គិតត្រឹមថ្ងៃទី០២ ខែវិច្ឆិកា ឆ្នាំ២០២៤ ក្រសួងមហាផ្ទៃ ឈរនៅកំពូលតារាងមេដាយ ក្រោយ​ឈ្នះ​មេដាយ​មាស ៣៧គ្រឿង ប្រាក់២២ និងសំរឹទ្ធ៩គ្រឿង សរុប៦៨គ្រឿង ព្រឹត្តិការណ៍កីឡាជាតិ លើកទី៤ និងកីឡាជាតិជនពិការ លើកទី២ ឆ្នាំ២០២៤។

ក្រសួងការពារជាតិ ឈរនៅលេខ២ជាមួយមេដាយ ៤៩គ្រឿង ក្នុងនោះមាស ២១គ្រឿង ប្រាក់ ១៥គ្រឿង និងសំរឹទ្ធ ១៣គ្រឿង។

ក្រសួងសេដ្ឋកិច្ច និងហិរញ្ញវត្ថុ លេខ៣ ដោយឈ្នះមេដាយមាស៨គ្រឿង ប្រាក់៤គ្រឿង និងសំរឹទ្ធ១គ្រឿង សរុប១៣គ្រឿង។

ចំណែកខេត្តកណ្ដាល ឈរនៅលេខ៤ បន្ទាប់ពីដណ្ដើមបានមេដាយសរុប២៦គ្រឿង ក្នុងនោះមាស៧គ្រឿង ប្រាក់៣ និងសំរឹទ្ធ១៦គ្រឿង។

ឯខេត្តស្ទឹងត្រែង សៀមរាប កំពង់ឆ្នាំង ព្រៃវែង ត្បូងឃ្មុំ កំពង់ចាម មណ្ឌលគីរី បាត់ដំបង ស្វាយរៀង រាជធានីភ្នំពេញ កំពត តាកែវ និងខេត្តកែប សុទ្ធតែមានមេដាយមាស ប្រាក់ និងមេដាយសំរឹទ្ធ៕