អំឡុងពិធីជួបជុំគ្នានៅទីក្រុង Salem រដ្ឋ Virginia គឺជារដ្ឋដែលអ្នកវិភាគនិយាយថាលោកទំនងជាមិនឈ្នះនោះ អតីតប្រធានាធិបតីសហរដ្ឋអាមេរិកលោក Donald Trump បាននិយាយថា លោកកាន់អំណាច គឺដើម្បីសង្រ្គោះសេដ្ឋកិច្ចពីការបំផ្លិចបំផ្លាញ បើទោះបីជាវាស្រួលជាងបើលោកទៅសម្រាកលំហែរកាយនៅរមណីយដ្ឋានមាត់សមុទ្ររបស់លោកនោះ ។

 លោកនិយាយថា លោកមិនត្រូវការមកទីនេះនៅថ្ងៃនេះនោះទេ ។ លោកអាចឈរនៅឆ្នេរសមុទ្រ ធ្វើឲ្យស្បែកស.ដ៏ស្រស់ស្អាតរបស់លោកកាន់តែស្អាត ហើយនិងត្រូវរលកទឹកសមុទ្រមានជាតិប្រៃ បោកបក់ត្រូវមុខរបស់លោក ។

 លោក Trumpត្រូវចូលរួមនៅលើវេទិកាដោយស្រ្តីមកពីក្រុមហែលទឹកមហាវិទ្យាល័យក្នុងស្រុក ដែលបដិសេធន៍មិនព្រមប្រកួតជាមួយអត្តពលិកប្តូរភេទ ។

 អភិបាលរដ្ឋ Virginiaលោក Glenn Youngkin ដែលរក្សាទំនាក់ទំនងដ៏ប្រុងប្រយ័ត្នជាមួយអតីតប្រធានាធិបតីលោក Trump នៅក្នុងរដ្ឋប្រទាញប្រទង់មួយនេះ បានឡើងលើវេទិកាជាមួយលោក Trump ផងដែរ និងជំរុញឲ្យប្រជាពលរដ្ឋគាំទ្ររូបលោក ។

 លោកស្រី Harrisនិងលោក Trumpមានគោលនយោបាយផ្សេងគ្នាលើបញ្ហាធំៗជាច្រើន រួមទាំងការគាំទ្រអ៊ុយក្រែន និងអង្គការណាតូ សិទ្ធិរម្លូតកូន ការធ្វើអន្តោប្រវេសន៍ ពន្ធដារ គោលការណ៍ប្រជាធិបតេយ្យ និងការដំឡើងពន្ធ ដែលធ្វើឲ្យប៉ះពាល់ដល់ការបែងចែករវាងគណបក្សប្រជាធិបតេយ្យ និងគណបក្សសាធារណរដ្ឋ ៕