ខណៈលោកស្រីបានធ្វើយុទ្ធនាការក្នុងរដ្ឋ Michigan បេក្ខជនប្រធានាធិបតីមកពីគណបក្សប្រជាធិបតេយ្យលោកស្រី Kamala Harris កាលពីថ្ងៃអាទិត្យ ៣ វិច្ឆិកា បានជំរុញអ្នកបោះឆ្នោតកុំឱ្យចាញ់ល្បិច របស់លោកTrump លើការក្លែងបន្លំការបោះឆ្នោត។

កាលពីថ្ងៃអាទិត្យ បេក្ខភាពប្រធានាធិបតីមកពីគណបក្សសាធារណរដ្ឋ លោក Donald Trump បានធ្វើយុទ្ធនាការចុងក្រោយរបស់លោកសម្រាប់ការគាំទ្រនៅក្នុងរដ្ឋ Pennsylvania ជាទីដែលរូបលោកបានធ្វើអត្ថាធិប្បាយថា លទ្ធផលបោះឆ្នោតគួរតែត្រូវបានប្រកាសនៅរាត្រីបោះឆ្នោត ទោះបីជាមានការព្រមានពីក្រុមមន្ត្រីក្នុងរដ្ឋជាច្រើនថា អាចចំណាយពេលច្រើនថ្ងៃដើម្បីបញ្ជាក់លទ្ធផលចុងក្រោយក៏ដោយ។

គណបក្សប្រជាធិបតេយ្យនិយាយថាពួកគេមានផែនការអនុវត្ត ប្រសិនបើលោក Trump ព្យាយាមទាមទារជ័យជម្នះមុនពេលកំណត់។លោកស្រី Harris បានប្រាប់អ្នកសារព័ត៌មានកាលពីថ្ងៃអាទិត្យថា លោកស្រីជឿជាក់លើប្រព័ន្ធបោះឆ្នោតសហរដ្ឋអាមេរិក ហើយថាសន្លឹកឆ្នោតនឹងរាប់។  

លោកស្រីក៏ត្រូវបានស្នើផងដែរអំពីការបិទការតវ៉ាសម្រាប់អ្នកបោះឆ្នោតអារ៉ាប-អាមេរិក និងអ្នកបោះឆ្នោតនៅក្នុងសហគមន៍មូស្លីម ហើយលោកស្រីបានឆ្លើយថា ខ្ញុំពិតជាមានកិត្តិយសណាស់ដែលមានការគាំទ្រពីមេដឹកនាំអារ៉ាប-អាមេរិកជាច្រើន។ ចំពោះបញ្ហាដ៏ធំនៃសង្រ្គាមតំបន់ហ្កាហ្សា ច្បាស់ណាស់ថា កម្រិតនៃការស្លាប់របស់ជនជាតិប៉ាឡេស្ទីនស្លូតត្រង់គឺមិនសមហេតុផល យើងត្រូវបញ្ចប់សង្រ្គាមនេះ ៕