មន្ត្រីរដ្ឋបាលស្រុកម្នាក់បាននិយាយថា មនុស្សយ៉ាងហោចណាស់១១នាក់បានរងរបួស នៅពេលដែលក្រុមសកម្មប្រយុទ្ធ បានគប់គ្រាប់បែកដៃទៅលើកងកម្លាំងសន្តិសុខប្រទេសឥណ្ឌា កាលពីថ្ងៃអាទិត្យ នៅទីផ្សារដែលមានមនុស្សច្រើនមួយយកន្លែងក្នុងទីក្រុង Srinagar រដ្ឋធានីតំបន់កាស្មៀរគ្រប់គ្រងដោយប្រទេសឥណ្ឌា។

ការកំណត់អត្តសញ្ញាណក្រុមសកម្មប្រយុទ្ធ ដែលទទួលខុសត្រូវចំពោះការវាយប្រហារនេះ នៅពុំទាន់ត្រូវបានគេដឹងនៅឡើយ។

មន្ត្រីនិយាយថា អ្នករងរបួសត្រូវបានបញ្ជូនទៅកាន់មន្ទីរពេទ្យភ្លាមៗ ដែលពួកគេស្ថិតក្នុងស្ថានភាពមានស្ថេរភាព ហើយការផ្ទុះនេះបានធ្វើឱ្យមានការភ័យខ្លាចនៅក្នុងផ្សារ ដែលបានបណ្តាលឲ្យអ្នកទិញទំនិញរត់ភៀសខ្លួនចេញ។

ការវាយប្រហារនេះ បានកើតឡើងមួយថ្ងៃបន្ទាប់ពីមេបញ្ជាការជាន់ខ្ពស់ម្នាក់នៃក្រុម Lashkar-e-Taiba (LeT) ជាក្រុមសកម្មប្រយុទ្ធឥស្លាមនិយម ត្រូវបានសម្លាប់រួមជាមួយសកម្មប្រយុទ្ធពីរនាក់ផ្សេងទៀត ធ្វើឡើងដោយកងទ័ពឥណ្ឌានៅក្នុងតំបន់កាស្មៀរ។

តំបន់កាស្មៀរ បានមើលឃើញការវាយប្រហារជាច្រើនលើក ចាប់តាំងពីរដ្ឋាភិបាល ត្រូវបានបង្កើតឡើងដោយសម្ព័ន្ធមិត្តប្រឆាំងមួយ ដែលបានចូលកាន់កាប់ដែនដីនេះ ជាកន្លែងដែលក្រុមសកម្មប្រយុទ្ធផ្តាច់ខ្លួន បានប្រយុទ្ធជាមួយកងកម្លាំងសន្តិសុខអស់រយៈពេលជាច្រើនទសវត្សរ៍មកហើយ បណ្តាលឱ្យមនុស្សរាប់ពាន់នាក់ស្លាប់។

ចាប់តាំងពីរដ្ឋាភិបាលថ្មី បានចូលកាន់អំណាចកាលពីដើមខែមុន មនុស្ស ១៥ នាក់បានស្លាប់ នៅក្នុងការវាយប្រហាររបស់ក្រុមសកម្មប្រយុទ្ធផ្សេងៗគ្នា។