អាជ្ញាធរ និយាយថា យ៉ាងហោចណាស់មនុស្ស១១នាក់ បានរងរបួស កាលពីថ្ងៃអាទិត្យ ខណៈព្យុះដ៏មានឥទ្ធិពល និងព្យុះកួចដ៏ខ្លាំងក្លា បានវាយបោកបក់លើទីក្រុងអូក្លាហូម៉ា ជារដ្ឋធានីនៃរដ្ឋអូក្លាហូម៉ា សហរដ្ឋអាមេរិក។

យោងតាមប្រធាននាយកដ្ឋាននគរបាលទីក្រុង Oklahoma បានឱ្យដឹងថា អ្នករងរបួស ត្រូវបានបញ្ជូនទៅកាន់មន្ទីរពេទ្យភ្លាមៗ ដោយរបួសពុំគំរាមកំហែងដល់អាយុជីវិតនោះទេ។

មន្ត្រី និយាយថា ព្យុះបានបណ្តាលឱ្យមានការខូចខាតយ៉ាងច្រើន ខណៈបានបំបើងដំបូល និងជញ្ជាំងលំនៅឋាន ផ្តួលរលំដើមឈើ ក្រឡាប់រថយន្ត និងបានបន្សល់ទុកកម្ទេចកម្ទីនៅពាសពេញទីក្រុង កាលពីពេលយប់។

អ្នកប្រើប្រាស់ប្រមាណ ៩៥.០០០នាក់បានបាត់បង់ថាមពលអគ្គិសនី អំឡុងពេលមានព្យុះនៅក្នុងរដ្ឋ ប៉ុន្តែតួលេខនេះបានធ្លាក់ចុះវិញ មកនៅត្រឹមតែជាង ៣៧.០០០នាក់ គិតត្រឹមល្ងាចថ្ងៃអាទិត្យ ។