កងកម្លាំងការពារអ៊ីស្រាអែល (IDF) បានកត់ត្រាថា ក្រុមសកម្មប្រយុទ្ធមកពីក្រុមហេសបូឡាស៊ីអ៊ីតដែលមានមូលដ្ឋាននៅលីបង់ បានបាញ់មីស៊ីលប្រហែល ១០០គ្រាប់ ពីប្រទេសលីបង់ សំដៅទៅរដ្ឋជ្វីហ្វ កាលពីថ្ងៃអាទិត្យ។

យោងតាមសេវាសារព័ត៌មានរបស់កងទ័ព គិតត្រឹមម៉ោង ១៥:០០ មីស៊ីលប្រហែល ១០០ គ្រាប់ ដែលត្រូវបានបាញ់ដោយអង្គការភេរវកម្មហេសបូឡា បានឆ្លងពីប្រទេសលីបង់ ចូលទៅក្នុងប្រទេសអ៊ីស្រាអែល កាលពីថ្ងៃអាទិត្យ ទី ០៣ ខែវិច្ឆិកា។

កងកម្លាំងការពារអ៊ីស្រាអែល (IDF) បានកត់សម្គាល់ថា ខ្លួននឹងបន្តការពាររដ្ឋអ៊ីស្រាអែល និងប្រជាជនរបស់ខ្លួនប្រឆាំងនឹងការគំរាមកំហែ ងដែលបង្កឡើងដោយអង្គការភេរវកម្មហេសបូឡានេះ។

កាលពីថ្ងៃទី ២៣ ខែកញ្ញា អ៊ីស្រាអែលបានបើកប្រតិបត្តិការវាយលុកមួយដែលមានឈ្មោះថា Northern Arrows សំដៅលើមូលដ្ឋានយោធារបស់ក្រុមហេសបូឡា ដោយធ្វើការវាយប្រហារតាមអាកាសទ្រង់ទ្រាយ ធំ នៅទូទាំងប្រទេសលីបង់។ នៅយប់ថ្ងៃទី ០១ ខែតុលា កងកម្លាំងការពារអ៊ីស្រាអែល (IDF) បានប្រកាសប្រតិបត្តិការជើងគោក នៅក្នុងតំបន់ព្រំដែននៅភាគខាងត្បូងនៃប្រទេសលីបង់។