លោកស្រី Kamala Harris និងលោកDonald Trump បានធ្វើសង្គ្រាមពាក្យសម្ដីយ៉ាងក្ដៅគគុកកាលពីថ្ងៃចន្ទ ៤ វិច្ឆិកា ប៉ុន្មានម៉ោងចុងក្រោយមុនថ្ងៃបោះឆ្នោតនៅពេលជនជាតិអាមេរិកនឹងជ្រើសរើសប្រធានាធិបតីស្ត្រីដំបូងគេក្នុងប្រវត្តិសាស្ត្រអាមេរិក ឬត្រូវប្រគល់អំណាចឱ្យទៅគណបក្សសាធារណរដ្ឋជាថ្មីវិញមិនធ្លាប់មាន ដែលទំនងជាធ្វើឱ្យពិភពលោកភ្ញាក់ផ្អើល។ 

ខណៈការស្ទង់មតិបង្ហាញពីសន្ទុះនៃប្រជាប្រិយភាពស្មើគ្នា គូប្រជែងបានចំណាយពេលថ្ងៃចុងក្រោយនៃយុទ្ធនាការរបស់ខ្លួននៅក្នុងរដ្ឋប្រទាញប្រទង់គ្នាខ្លាំងបំផុត ដែលកំណត់ដើម្បីផ្តល់តុល្យភាព បន្ទាប់ពីការិយាល័យបោះឆ្នោតត្រូវបានបិទនៅថ្ងៃអង្គារនេះម៉ោងនៅសហរដ្ឋអាមេរិក។

លោក Trump បានរៀបចំការប្រមូលផ្តុំអ្នកគាំទ្រនៅរដ្ឋ North Carolina និង Pennsylvania មុនពេលការជួបជុំយុទ្ធនាការចុងក្រោយនៅទីក្រុង Grand Rapids រដ្ឋ Michigan ។

ចំណែកលោកស្រី Harris បានផ្ដោតនៅរដ្ឋ Pennsylvania ដោយចាប់ផ្តើមពីទីក្រុង Scranton ដ៏លំបាក ហើយបានទៅកាន់សារមន្ទីរសិល្បៈ Philadelphia ដែលល្បីល្បាញនៅក្នុងខ្សែភាពយន្ត Rocky ជាទីដែលលោកស្រីត្រូវបានចូលរួមដោយតារាល្បីៗរួមមានតារាចម្រៀង Lady Gaga តារាចម្រៀង នាង Katy Perry និងពិធីការិនីកម្មវិធីTalk show លោកស្រី Oprah Winfrey ។

ថ្លែងនៅក្នុងទីក្រុង Reading រដ្ឋ Pennsylvania លោក Trump បានបន្តទស្សនៈវិស័យរបស់លោកអំពីអាមេរិកដែលថាអំណាចរបស់សហរដ្ឋអាមេរិកបានធ្លាក់ចុះ និងគ្របដណ្តប់ដោយជនអន្តោប្រវេសន៍ខុសច្បាប់ ដែលលោកបានពិពណ៌នាថាជាអំពើ"ព្រៃផ្សៃ" និងជា"សត្វ" ។ 

លោកថា បើលោកស្រី Harrisឈ្នះ លោកស្រីនឹងបើកចំហព្រំដែននៅថ្ងៃបន្ទាប់នៃការបោះឆ្នោត។

រីឯកលោកស្រី Harris វិញ បានប្រាប់ក្រុមម្ចាស់ឆ្នោតនៅក្នុងទីក្រុង Allentown រដ្ឋ Pennsylvania ថា ប្រសិនបើលោកស្រីជាប់ឆ្នោត លោកស្រី នឹងស្ដាប់មនុស្សដែលមិនឯកភាពនឹងគំនិតរបស់លោកស្រី៕