អ្នកនាំពាក្យក្រសួងការបរទេសអ៊ីស្រាអែល លោក Matthew Miller បាននិយាយកាលពីថ្ងៃចន្ទ ថា អ៊ីស្រាអែល មានចំណាត់ការមួយចំនួនដើម្បីបង្កើនដំណើរការជំនួយចូលទៅកាន់តំបន់ហ្កាហ្សា ប៉ុន្តែរហូតមកដល់ពេលនេះ បានបរាជ័យក្នុងការកែប្រែស្ថានភាពមនុស្សធម៌ នៅក្នុងតំបន់ហ៊ុមព័ទ្ធមួយនេះ។

រដ្ឋបាលលោក Biden បានប្រាប់អ៊ីស្រាអែលនៅក្នុងលិខិតមួយច្បាប់កាលពីថ្ងៃទី១៣ ខែតុលា ថា អ៊ីស្រាអែល មានពេល៣០ថ្ងៃ ដើម្បីមានចំណាត់ការជាក់លាក់ក្នុងការដោះស្រាយវិបត្តិមនុស្សធម៌ដ៏ធ្ងន់ធ្ងរនៅក្នុងតំបន់នេះ ដែលបានរងការវាយលុកអស់រយៈពេលជាងមួយឆ្នាំក្នុងប្រតិបត្តិការជើងគោក និងតាមអាកាសរបស់អ៊ីស្រាអែល ខណៈអ៊ីស្រាអែលនិយាយថា មានបំណងកម្ទេចឬសគល់ក្រុមសកម្មប្រយុទ្ធហាម៉ាស។

បុគ្គលិកផ្តល់ជំនួយ និងមន្ត្រីអង្គការសហប្រជាជាតិ និយាយថា ស្ថានភាពមនុស្សធម៌នៅតែបន្តធ្ងន់ធ្ងរក្នុងតំបន់ហ្កាហ្សា។ គិតរហូតមកដល់ថ្ងៃនេះ ស្ថានភាព ពុំទាន់មានការប្រែប្រួលប្រសើរឡើងនៅឡើយ។ យើងឃើញមានការកើនឡើងវិធានការមួយចំនួន។ យើងឃើញមានការកើនឡើងការបើកច្រកឆ្លងកាត់ ប៉ុន្តែប្រសិនបើអ្នកក្រឡេកមើលការណែនាំដែលបាននិយាយនៅក្នុងលិខិតនោះ បញ្ហាជាច្រើន នៅពុំទាន់បានបំពេញនៅឡើយ។

លោក Miller និយាយថាលទ្ធផលរហូតមកដល់ពេលនេះ «ពុំទាន់ល្អគ្រប់គ្រាន់ទេ»។ លោកបានបដិសេធ មិននិយាយថាតើអ៊ីស្រាអែលបានជួបផលវិបាកអ្វីខ្លះ ខណៈខ្លួនពុំបានអនុវត្តតាមការណែនាំ។ លោកនិយាយបន្ថែមថា «អ្វីដែលយើងអាចប្រាប់អ្នកគឺថា អ្វីដែលយើងធ្វើ គឺធ្វើស្របទៅតាមច្បាប់។

ទីក្រុងវ៉ាស៊ីនតោន ជាអ្នកផ្គត់ផ្គង់សព្វាវុធសំខាន់របស់អ៊ីស្រាអែល ជារឿយៗបានជំរុញអ៊ីស្រាអែល ធ្វើឲ្យប្រសើរឡើងស្ថានភាពមនុស្សធម៌ នៅក្នុងតំបន់ហ្កាហ្សា។