តម្លៃប្រាក់ដុល្លារ និងភាគហ៊ុនបានធ្លាក់ចុះកាលពីថ្ងៃចន្ទ ខណៈក្រុមវិនិយោគិន បានបោះជំហានយ៉ាងប្រុងប្រយ័ត្ន ប៉ុន្មានម៉ោងមុនការបោះឆ្នោតប្រធានាធិបតីសហរដ្ឋអាមេរិក នៅថ្ងៃអង្គារម៉ោងក្នុងស្រុក ស្របពេលការកាត់បន្ថយអត្រាការប្រាក់បម្រុងរបស់ធនាគារកណ្តាលអាមេរិកក៏បានរំពឹងទុកនៅពេលក្រោយក្នុងសប្តាហ៍នេះដែរ។

នៅក្នុងការប្រជែងតំណែងប្រធានាធិបតីសហរដ្ឋអាមេរិក បេក្ខជនគណបក្សប្រជាធិបតេយ្យ លោកស្រី Kamala Harris និងបេក្ខជនមកពីគណបក្សសាធារណរដ្ឋលោក Donald Trump នៅតែមានភាពប្រកៀកប្រកិតគ្នាក្នុងការស្ទង់មតិមុនការបោះឆ្នោតនៅថ្ងៃអង្គារនេះ។

ក្រុមអ្នកវិភាគបាននិយាយថា គោលនយោបាយរបស់លោក Trump ស្តីពីអន្តោប្រវេសន៍ ការកាត់បន្ថយពន្ធ និងការដំឡើងពន្ធនាំចូល អាចដាក់សម្ពាធបន្ថែមទៀតលើអតិផរណា ការវិនិយោគ និងប្រាក់ដុល្លារ ។

ប្រាក់ដុល្លារបានធ្លាក់ចុះធៀបនឹងរូបិយប័ណ្ណអឺរ៉ុប និងអាស៊ីមួយចំនួន ដោយបានធ្លាក់ចុះ 0,៣៨%ធៀបនឹងប្រាក់អឺរ៉ូដល់ ១,០៨៧ដុល្លារ ហើយធ្លាក់ចុះ ០,៥.% ធៀបនឹងប្រាក់យ៉េនជប៉ុនដល់ ១៥២,១៧៕