មនុស្សនាំគ្នាតម្រង់ជួរយ៉ាងវែងនៅតាមមណ្ឌលបោះឆ្នោតក្នុងទីក្រុង Manchester រដ្ឋ New Hampshire នាថ្ងៃអង្គារនេះ ពេលដែលការបោះឆ្នោតបានចាប់ផ្តើម សម្រាប់ការបោះឆ្នោតជ្រើសរើសប្រធានាធិបតីសហរដ្ឋអាមេរិក ។

 លំហូរអ្នកមកបោះឆ្នោត បានបន្តពេញមួយព្រឹកថ្ងៃអង្គារនេះ ពេលដែលមន្រ្តីបោះឆ្នោតណែនាំអ្នកបោះឆ្នោតឆ្លងកាត់ដំណើរការបោះឆ្នោត ។

 ភាគច្រើននៃទីតាំងបោះឆ្នោតនៅរដ្ឋ New Hampshire បានបើកតាំងពីវេលាម៉ោង ៦ព្រឹកមកម្ល៉េះ ម៉ោងក្នុងស្រុក ហើយត្រូវបានគេរំពឹងថានឹងត្រូវបិទបញ្ចប់ នៅវេលាម៉ោង ២០ ម៉ោងក្នុងស្រុក ។

 លោក David Scanlan គឺរដ្ឋមន្រ្តីមន្រ្តីទទួលបន្ទុកកិច្ចការបរទេសប្រចាំរដ្ឋ New Hampshire បាននិយាយប្រាប់សារព័ត៌មានក្នុងស្រុកថា លោករំពឹងថានឹងមានចំនួនអ្នកមកចូលរួមការបោះឆ្នោតច្រើនបំផុតជាប់កំណត់ត្រា ដោយលោកព្យាករណ៍ថា អ្នកបោះឆ្នោត ៨២៤.០០០នាក់ នឹងបោះឆ្នោតនៅរដ្ឋ New Hampshire ៕