ការិយាល័យបោះឆ្នោតកំពុងបិទនៅក្នុងការបោះឆ្នោតប្រធានាធិបតីអាមេរិកដ៏តឹងតែងបំផុតក្នុងរយៈពេលជាច្រើនទសវត្សរ៍ ក្រោយអ្នកបោះឆ្នោតអាមេរិក បានទម្លាក់សន្លឹកឆ្នោតកាលពីថ្ងៃអង្គារដើម្បីសម្រេចចិត្តរវាងបេក្ខជនប្រធានាធិបតីលោកស្រី Kamala Harris និងលោក Donald Trump ជាមួយនឹងលទ្ធផលដែលរំពឹងទុកយ៉ាងក្តៅគគុកនៅអឺរ៉ុប។

ខណៈការស្ទង់មតិបង្ហាញបេក្ខជនទាំងពីរស្ថិតក្នុងការប្រកួតប្រជែងដ៏ប្រកៀកប្រកិត រដ្ឋមានភាពប្រទាញប្រទង់គ្នា ឬ swing states ចំនួនប្រាំពីរត្រូវបានគេរំពឹងថានឹងកំណត់លទ្ធផលបោះឆ្នោត។

រដ្ឋដែលអាចទុកចិត្តបានមួយចំនួនមានសម្រាប់បេក្ខជនទាំងពីររូប ចាប់ពីរដ្ឋតិចសាស់សម្រាប់គណបក្សសាធារណរដ្ឋដែលអាចឈ្នះដោយសុវត្ថិភាព និងរដ្ឋផ្លរីដា ដែលអាចផ្ដល់ទីតាំងរឹងមាំរបស់បក្សប្រជាធិបតេយ្យដូចជារដ្ឋ Illinois និងរដ្ឋ Vermont។

លោកស្រី Harris ត្រូវបានគេព្យាករណ៍ថានឹងឈ្នះនៅក្នុងរដ្ឋកំណើតរបស់លោក Trump គឺNew York និងតំបន់រឹងមាំសម្រាប់បក្សប្រជាធិបតេយ្យផ្សេងទៀតដូចជារដ្ឋ Connecticut រដ្ឋ Maryland និងរដ្ឋ Massachussets ខណៈសារព័ត៌មាន AP បានកំណត់រដ្ឋមួយផ្សេងទៀតសម្រាប់លោក Trump ដែលមិនពាក់ព័ន្ធនឹងរដ្ឋប្រទាញប្រទង់ នោះទេ។

ខណៈពលរដ្ឋអាមេរិករាប់សិបលាននាក់បានទៅបោះឆ្នោតរួចហើយ ការសម្រេចចិត្តរួមរបស់ពួកគេអាចផ្លាស់ប្តូរទំនាក់ទំនងអាមេរិកជាមួយអឺរ៉ុប ជាពិសេសនៅពេលនិយាយអំពីអនាគតនៃជំនួយដល់អ៊ុយក្រែន អង្គការណាតូ និងពាណិជ្ជកម្មឆ្លងមហាសមុទ្រអាត្លង់ទិក។

ប្រទេសមួយចំនួននៅអឺរ៉ុបរំពឹងថា រដ្ឋបាលលោកស្រី Harris នឹងបន្តស្ថានភាពដដែល បើជាប់ឆ្នោត តែបើលោក Trump ជាប់ នោះលោកនឹងបន្តរដ្ឋបាលទីពីរជាអ្នកគាំពារនិយម និងមិនសូវវិនិយោគលើសន្តិសុខរបស់សម្ព័ន្ធមិត្ត ជាអ្វីដែលអតីតប្រធានាធិបតីរូបនេះហៅថារបៀបវារៈគិតអាមេរិកមុនគេ "America First" របស់លោក៕