តម្លៃប្រេងបានធ្លាក់ចុះជាង ១ភាគរយ នៅថ្ងៃពុធ (ទី៦ ខែវិច្ឆិកា) ដោយសារការស្តុកប្រេងឆៅរបស់សហរដ្ឋអាមេរិកបានកើនឡើងច្រើនជាងការព្យាករណ៍ ខណៈប្រាក់ដុល្លារ បានឡើងថ្លៃ ដោយសារការរំពឹងទុករបស់ទីផ្សារ ដែលថា ការបោះឆ្នោតប្រធានាធិបតីសហរដ្ឋអាមេរិក អាចលោក Donald Trump របស់គណបក្សសាធារណរដ្ឋទទួលបានជ័យជម្នះ ទោះបីជាការប្រកួតប្រជែងនៅតែប្រកៀកប្រកិតពេកមិនអាចវាយតម្លៃបានក៏ដោយ។

ភាគហ៊ុនប្រេងឆៅ Brent បានធ្លាក់ចុះចុងក្រោយ ៩០សេន ឬ ១,២ភាគរយ ដោយមានតម្លៃជួញដូរ ៧៤,៦៣ដុល្លារ ក្នុងមួយបារ៉ែល (នៅវេលាម៉ោង ៤:៥០នាទី ម៉ោងសកល) ខណៈប្រេងឆៅ West Texas Intermediate (WTI) របស់សហរដ្ឋអាមេរិក បានធ្លាក់ចុះ ៨២សេន ឬ ១,១ភាគរយ ដោយមានតម្លៃជួញដូរ ៧១,១៧ដុល្លារ ក្នុងមួយបារ៉ែល។

លោក Tony Sycamore អ្នកវិភាគនៅក្រុមហ៊ុន IG Markets បាននិយាយថា៖ «សញ្ញាដំបូងមានភាពអំណោយផល សម្រាប់គណបក្សសាធារណរដ្ឋ ហើយខណៈពេលដែលវានៅតែជាប៉ុន្មានថ្ងៃដំបូង ទាំងទិន្នផលរបស់សហរដ្ឋអាមេរិក និងទាំងប្រាក់ដុល្លារអាមេរិកកំពុងឡើងខ្ពស់ ក្នុងការជួញដូរ»។

លោក Trump បាននាំមុខនៅក្នុងការបោះឆ្នោតប្រធានាធិបតីសហរដ្ឋអាមេរិក គិតត្រឹមថ្ងៃអង្គារដោយទទួលបានអង្គបោះឆ្នោតចំនួន ២១១ ធៀបនឹង ១៤៥ របស់លោកស្រី Harris ដោយការបោះឆ្នោតត្រូវបានរាប់ ១ភាគ៣។ តែទោះបីជាយ៉ាងណាក្ដី លទ្ធផលនៃការប្រកួតប្រជែងនៅតែមិនច្បាស់លាស់ ដោយរដ្ឋប្រទាញប្រទង់សំខាន់ៗ ដែលទំនងជាមិនអាចត្រូវបានប្រកាសលទ្ធផល ក្នុងរយៈពេលរាប់ម៉ោង ឬសូម្បីតែច្រើនថ្ងៃ៕