ប្រធានាធិបតីជាប់ឆ្នោតរបស់គណបក្សសាធារណរដ្ឋ លោក Donald Trump ត្រៀមខ្លួនរួចជាស្រេចដើម្បីកសាងដំណែលរបស់ខ្លួនក្នុងអាណត្តិទីពីរជុំវិញការកែប្រែប្រព័ន្ធតុលាការសហព័ន្ធ ជាមួយនឹងក្រុមចៅក្រម ដែលទាំងសម្ព័ន្ធមិត្ត និងគូប្រជែងបានព្យាករថា អាចមានក្រុមអភិរក្សនិយមកាន់តែច្រើនក្នុងចៅក្រម ២៣៤រូប ដែលលោកនឹងតែងតាំង។

ក្នុងពេលដែលបក្សសាធារណរដ្ឋគ្រោងនឹងគ្រប់គ្រងព្រឹទ្ធសភាដែលជាអ្នកបញ្ជាក់ពីការតែងតាំងផ្នែកតុលាការ លោក Trump អាចនឹងប្រឈមផ្លូវដ៏ងាយស្រួលក្នុងការបំពេញកន្លែងទំនេរនៅលើតុលាការកំពូលរបស់សហរដ្ឋអាមេរិក និងអាសនៈចំនួន ១០០បូក ដែលរំពឹងថានឹងបើកឡើងនៅតុលាការជាន់ទាបទូទាំងប្រទេស។

លោក ចន ខូលីន (John Collins) សាស្ត្រាចារ្យនៅសាលាច្បាប់នៃសកលវិទ្យាល័យ ចច វ៉ាស៊ីនតោន (George Washington) បានលើកឡើងថា "លោក Trump បានបង្កើតប្រព័ន្ធតុលាការសហព័ន្ធឡើងវិញនៅក្នុងអាណត្តិដំបូងរបស់លោក ហើយឥឡូវនេះលោកក៏មានឱកាសពង្រឹងចក្ខុវិស័យនេះសម្រាប់អាណត្តិមួយទៀត" ។

ជុំថ្មីនៃចៅក្រមដែលត្រូវបានតែងតាំងដោយ Trump នឹងបង្កើតប្រព័ន្ធតុលាការសហព័ន្ធដែលមានលក្ខណៈអភិរក្សនិយមជាងមុន ដែលទំនងជានឹងបង្កើនការសង្ស័យលើបរិស្ថាន ហិរញ្ញវត្ថុ និងបទប្បញ្ញត្តិផ្សេងទៀត និងដើម្បីរក្សារបៀបវារៈរបស់លោក Trump នៅពេលប្រឈមមុខនឹងបញ្ហាផ្លូវច្បាប់៕