នាយករដ្ឋមន្ត្រីហុងគ្រី លោក Viktor Orban បាននិយាយកាលពីថ្ងៃព្រហស្បតិ៍បន្ទាប់ពីកិច្ចប្រជុំកំពូល សហគមន៍នយោបាយអឺរ៉ុប (EPC) លើកទី៥ ថា ក្រុមមេដឹកនាំអឺរ៉ុប បានព្រមព្រៀងគ្នាលើតម្រូវការសម្រាប់អឺរ៉ុប ក្នុងការទទួលខុសត្រូវកាន់តែធំសម្រាប់សន្តិសុខរបស់ខ្លួន ជាជាងការពឹងផ្អែកតែលើសហរដ្ឋអាមេរិក។ ។

មេដឹកនាំមកពីបណ្តាប្រទេសអឺរ៉ុបជិត ៥០ និងអង្គការអន្តរជាតិ បានប្រមូលផ្តុំគ្នានៅទីនេះសម្រាប់កិច្ចប្រជុំកំពូលរយៈពេលមួយថ្ងៃ ដោយដោះស្រាយបញ្ហាបន្ទាន់មួយចំនួន ដូចជាការធ្វើទេសន្តរប្រវសន៍មិនទៀងទាត់ សន្តិសុខ និងការភ្ជាប់ទំនាក់ទំនងនៅទូទាំងទ្វីបនេះ។

នៅក្នុងសន្និសីទសារព័ត៌មានរួមគ្នាជាមួយសមភាគីអាល់បានី លោក Edi Rama លោកនាយករដ្ឋមន្ត្រីហុងគ្រី បានគូសបញ្ជាក់ពីការគំរាមកំហែងជាច្រើនចំពោះសន្តិភាព ស្ថិរភាព និងវិបុលភាពអឺរ៉ុប ដែលរួមមានជម្លោះប្រដាប់អាវុធ ដែលកំពុងបន្តនៅអ៊ុយក្រែន ភាពតានតឹងកាន់តែខ្លាំងឡើងនៅមជ្ឈិមបូព៌ា ការធ្វើទេសន្តរប្រវេសន៍ខុសច្បាប់ជាបន្តបន្ទាប់ និងកម្រិតដែលមិនធ្លាប់មានពីមុនមកនៃការបែងចែកសេដ្ឋកិច្ចពិភពលោក ចាប់តាំងពីសង្គ្រាមត្រជាក់។

ខណៈពេលដែលសង្កត់ធ្ងន់លើសារៈសំខាន់នៃសកម្មភាពរួមអឺរ៉ុបក្នុងការដោះស្រាយបញ្ហាប្រឈមទាំងនេះលោកបានបញ្ជាក់ថា៖«បញ្ហាសំខាន់ និងសំខាន់ ដែលកំពុងត្រូវបានពិភាក្សា មានដូចជា សង្រ្គាម ឬសន្តិភាព ការធ្វើទេសន្តរប្រវេសន៍ ឬសន្តិសុខ ការបែកបាក់គ្នា ឬការភ្ជាប់ទំនាក់ទំនង ការគ្រប់គ្រស្ថានការណ៍  ឬអធិបតេយ្យភាពអឺរ៉ុប»។