ក្រសួងការបរទេសចិន បាននិយាយនៅថ្ងៃសុក្រនេះថា ទីក្រុងប៉េកាំង បានកោះហោះឯកអគ្គរដ្ឋទូតហ្វីលីពីនប្រចាំនៅចិន ដើម្បីបង្ហាញការមិនពេញចិត្តចំពោះច្បាប់ថ្មីចំនួន ២ នៅហ្វីលីពីនគ្របដណ្តប់លើតំបន់សមុទ្រ និងផ្លូវសមុទ្រប្រជុំកោះ ។

អ្នកនាំពាក្យក្រសួងការបរទេសចិនអ្នកស្រី Mao Ning និយាយនៅក្នុងសន្និសីទសារព័ត៌មានថា ក្រសួងការបរទេសចិន បានកោះហៅឯកអគ្គរដ្ឋទូតហ្វីលីពីនប្រចាំនៅចិន ដើម្បីបង្ហាញការមិនពេញចិត្តចំពោះ “ច្បាប់តំបន់សមុទ្រ” និង “ច្បាប់ផ្លូវសមុទ្រប្រជុំកោះ” ចេញដោយហ្វីលីពីន ។

អ្នកស្រី Mao បន្តថា ចិនជំរុញឲ្យហ្វីលីពីនគោរពដោយស្មោះអធិបតេយ្យភាពទឹកដីរបស់ចិន និងសិទ្ធិ ហើយនិងផលប្រយោជន៍សមុទ្ររបស់ចិន បញ្ឈប់ជាបន្ទាន់ការចាត់វិធានការឯកតោភាគី ដែលអាចនាំឲ្យមានការពង្រីកជម្លោះ និងធ្វើឲ្យស្ថានភាពស្មុគ្រស្មាញ ហើយនិងរក្សាដោយស្មោះសន្តិភាព និងអស្ថិរភាពនៅសមុទ្រចិនខាងត្បូង ។ ចិនសូមរក្សាសិទ្ធិក្នុងការចាត់វិធានការចាំបាច់ ។

ចិនដែលមានជម្លោះអធិបតេយ្យភាពជាមួយប្រទេសដទៃនៅក្នុងតំបន់ផងដែរនោះ កាលពីមុនធ្លាប់បានអនុម័តច្បាប់ក្នុងស្រុកគ្របដណ្តប់លើសមុទ្រចិនខាងត្បូង ដូចជាច្បាប់ឆ្នាំល្បាតឆ្មេរកាលពីឆ្នាំ ២០២១ដែលនឹងអនុញ្ញាតឲ្យពួកគេឃាត់ខ្លួនជនបរទេសដែលសង្ស័យបំពាន ៕