នគរបាលកាណាដា និងក្រុមជំនួយជនអន្តោប្រវេសន៍ កំពុងត្រៀមខ្លួនទប់ទល់នឹងលំហូរនៃអ្នកស្វែងរកសិទ្ធិជ្រកកោន ដែលភៀសខ្លួនចេញពីសហរដ្ឋអាមេរិករបស់ប្រធានាធិបតីជាប់ឆ្នោត លោក Donald Trump ស្របពេលដែលកាណាដាដោះស្រាយជាមួយនឹងចំនួនខ្ពស់បំផុតនៃអ្នកសុំសិទ្ធិជនភៀសខ្លួន ហើយកំពុងព្យាយាមឲ្យមានជនអន្តោប្រវេសន៍តិចជាងមុន នៅក្នុងប្រទេស។

អតីត និងឥឡូវនេះ ជាប្រធានាធិបតីអាមេរិកនាពេលអនាគត លោក Trump បានទទួលជ័យជម្នះយ៉ាងធំធេង នៅសប្តាហ៍នេះ ហើយការអនុវត្តការនិរទេសដ៏ធំបំផុត នៅក្នុងប្រវត្តិសាស្ត្រអាមេរិក គឺផ្នែកមួយនៃការសន្យារបស់លោក អំឡុងពេលធ្វើយុទ្ធនាការ។

លោកពលបាលត្រី Charles Poirier បាននិយាយកាលពីថ្ងៃព្រហស្បតិ៍ថា នគរបាលកាណាដា បាន និងកំពុងរៀបចំត្រៀមខ្លួនជាច្រើនខែមកហើយ។

គួររំលឹកថា នៅពេលដែលលោក Trump ឡើងកាន់អំណាចលើកដំបូង ក្នុងឆ្នាំ២០១៧ អ្នកស្វែងរកសិទ្ធិជ្រកកោនរាប់ពាន់នាក់ បានឆ្លងចូលទៅក្នុងប្រទេសកាណាដា រវាងច្រកព្រំដែនផ្លូវការ ដើម្បីដាក់ពាក្យសុំជនភៀសខ្លួនយ៉ាងច្រើនលើសលប់ នៅផ្លូវ Roxham ជិតព្រំដែនទីក្រុង Quebec (កាណាដា) និង New York (អាមេរិក)៕