បន្ទាយមានជ័យ៖ ស្រុកម៉ាឡៃ​ជាទឹកដីជាយដែនដែលជាតំបន់សង្គ្រាម ផ្ទៃដីមួយចំនួនគ្រប់ដណ្ដប់ទៅដោយគ្រាប់មីន និងយុទ្ធភណ្ឌមិនទាន់ផ្ទុះ ហើយបានធ្វើឲ្យប្រជាពលរដ្ឋដែលរស់នៅក្នុងតំបន់នេះ មានការលំបាកដោយគ្មាន​ហេដ្ឋារចនាសម្ព័ន្ធ​ផ្លូវថ្នល់ ទឹក និងភ្លើងនោះឡើយ ប៉ុន្តែក្រោមគោលនយោបាយឈ្នះ ឈ្នះ របស់សម្ដេចតេជោ ហ៊ុន សែន បានធ្វើឲ្យតំបន់នេះមានការអភិវឌ្ឍជាបន្តបន្ទាប់វិស័យអចលនទ្រព្យ រោងចក្រសហគ្រាស និងវិស័យកសិកម្មជាដើម។

ជាក់ស្ដែងនៅថ្ងៃនេះ ក្រុមហ៊ុន ប៉ាង ណាគ្រី រៀលអ៊ីស្ទេត ឯ.ក ដែលមានទីតាំងស្ថិតនៅក្នុងភូមិអូរអំពិល ឃុំទួលពង្រ ស្រុក​ម៉ាឡៃ ខេត្តបន្ទាយមានជ័យនោះបាន ចូលរួមចំណែកជាមួយរាជរដ្ឋាភិបាល ក្នុងការអភិវឌ្ឍ តំបន់នេះឲ្យកាន់តែរីកចំរើនថែមទៀត ដោយបង្កើនកាងារក្នុងស្រុក ហើយបង្កើតរោងចក្រចំនួន ៤និងបង្កើតតំបន់កម្សាន្ត កន្លែងវាយកូនហ្គោល ដើម្បីទាក់ទាញភ្ញៀវ ទេសចរណ៍ផងដែរ។

ក្រៅពីធ្វើការបង្កើតរោងចក្រសហគ្រាទីកំសាន្ត កន្លែងវាយកូនហ្គោល ក្រុមហ៊ុននេះ ក៏បានអភិវឌ្ឍន៍ជាបណ្តើៗលើគម្រោងពុះដីល្វែង ចំនួនជាង ២០០ហិតា សម្រាប់ប្រជាពលរដ្ឋក្រីក្រឲ្យមានទីជម្រករស់នៅសមរម្យ ដោយឲ្យបង់រំលស់​ក្នុងដី១ល្វែងទំហំ ៥ម៉ែត្រ គុណ ២០ម៉ែត្រ ក្នុងតម្លៃ១៩០០ដុល្លារ។ សម្រាប់អ្នកដែលចង់បង់រំលស់ក្នុងមួយខែត្រឹមតែ ១០ ម៉ឺនរៀលប៉ុណ្ណោះ។

បើតាមការអះអាងរបស់អ្នកស្រីអគ្គនាយកាក្រុមហ៊ុន ប៉ាងណាគ្រី បានថ្លែងនៅថ្ងៃទី១៩ ខែតុលា ឆ្នាំ២០២១នេះថា ដីឡូដ៍ដែលអ្នកស្រីលក់បាន នឹងត្រូវចំណាយ ២០ភាគរយ ជួយដល់មន្ទីរពេទ្យកុមារអង្គរដូចជាគ្រឿងបរិក្ខាថ្នាំពេទ្យជាដើម។

លោកស្រីអគ្គនាយិកាបានបន្តឲ្យដឹងទៀតថាសម្រាប់ប្រជាពលរដ្ឋក្រីក្រដែលបានបង់រំលោះ ឬទិញដីមករស់នៅគឺពួកគាត់មានការងារធ្វើស្រាប់ដោយមិនបាច់ចំណាកស្រុកទៅកាន់ប្រទេសជិតខាងនោះឡើយ។ ចំពោះចក្ខុវិស័យរបស់ក្រុមហ៊ុនគឺជួយអភិវឌ្ឍ និងរួមចំណែកជាមួយរាជរដ្ឋាភិបាលដើម្បីកាត់បន្ថយភាពក្រីក្ររបស់ប្រជាពលរដ្ឋនៅមូលដ្ឋាន និងតំបន់នេះផងដែរ ។

ជាមួយគ្នានោះដែរ អ្នកស្រីអគ្គនាយិកា ក៏បានបញ្ជាក់ផងដែរថា អ្នកស្រីនឹងធ្វើការសាងសង់សាលាបណ្ដុះបណ្ដាលជំនាញវិជ្ជាជីវៈដោយជួលគ្រូពីបរទេសមកបង្រៀនបច្ចេកទេសដល់ពួកគាត់ដើម្បីមានជំនាញប្រកបរបរចិញ្ចឹមជីវិត និងបានកម្រៃខ្ពស់ផងដែរ។មួយវិញទៀតដើម្បីទាក់ទាញបរទេសមកវិនិយោគទុននិងរកស៊ីនៅស្រុកខ្មែរក្រុមហ៊ុនអ្នកស្រីនឹងសាងសង់ផ្សាររួចពន្ធដើម្បីឱ្យខាងប្រជាពលរដ្ឋថៃយកទំនិញមកលក់ក្នុងតម្លៃថោកដើម្បីសម្រួលជីវភាពប្រជាពលរដ្ឋកម្ពុជាយើងនៅតំបន់ជាយដែននេះផងដែរ។

ខណៈនោះដែរក៏សូអំពាវនាវដល់បងប្អូនប្រជាពលរដ្ឋ ដែលមានបំណងមកចង់ទិញដីសាងសង់លំនៅឋានដើម្បីរស់នៅសូមអញ្ជើញមកទិញដីនៅតំបន់នោះ ខណៈមានសក្កដានុពលមានកន្លែងកំសាន្តមានរោងចក្រហេដ្ឋារចនាសម្ព័ន្ធផ្លូវទឹកភ្លើងនឹងសំប្បូរការងារសម្រាប់កូនចៅមិនចាំបាច់ធ្វើការចំណាកស្រុកទៀតផង៕អត្ថបទ៖ បាន ចក់​