លោក Sergey Shoigu ប្រធានក្រុមប្រឹក្សាសន្តិសុខរុស្ស៊ី បាននិយាយនៅក្នុងជំនួបមួយជាមួយរដ្ឋមន្ត្រីការបរទេសចិន លោក Wang Yi ថា ទីក្រុងមូស្គូ អរគុណចំពោះទីក្រុងប៉េកាំង សម្រាប់ការគាំទ្រដល់ការធ្វើជាប្រធានក្រុមប្តូរវេននៃកិច្ចប្រជុំប្រទេស BRICS របស់រុស្ស៊ី។

លោក Shoigu បាននិយាយថា «យើងសូមអរគុណចំពោះមិត្តចិនរបស់យើង សម្រាប់ការគាំទ្រមិនផ្លាស់ប្តូរចំពោះការធ្វើជាប្រធានប្តូរវេនរបស់រុស្ស៊ី នៃកិច្ចប្រជុំក្រុមប្រទេស BRICS ហើយជាការពិត យើងសូមអរគុណចំពោះប្រធានាធិបតីចិន លោក Xi Jinping ដែលបានមកបំពេញទស្សនកិច្ចនៅប្រទេសរុស្ស៊ីដើម្បីចូលរួមក្នុងកិច្ចប្រជុំកំពូលនេះ។

លោករំពឹងថា នឹងបន្តកិច្ចសន្ទនាការងារប្រកបដោយអត្ថន័យលើបញ្ហាអន្តរជាតិ និងតំបន់យ៉ាងទូលំទូលាយក្នុងបរិយាកាសស្ថាបនានៃទំនុកចិត្ត។

លោក Shoigu និយាយថា ក្នុងពេលអស្ថិរភាពពិភពលោកកំពុងកើនឡើង វាមានសារៈសំខាន់កាន់តែខ្លាំងសម្រាប់យើង ក្នុងការរក្សាទំនាក់ទំនងជាទៀងទាត់ ដោយធ្វើការពិគ្រោះយោបល់ពិសេស។

លោក Shoigu បានទៅដល់ប្រទេសចិន ក្នុងដំណើរបំពេញទស្សនកិច្ចការងារ កាលពីថ្ងៃចន្ទ។ លោកត្រូវបានគេរំពឹងថា មានជំនួបជាមួយមេដឹកនាំនយោបាយកំពូល របស់ប្រទេស។