អគ្គលេខាធិការអង្គការណាតូ លោក Mark Rutte បាននិយាយកាលពីថ្ងៃអង្គារសប្ដាហ៍នេះថា កិច្ចសហប្រតិបត្តិការសេដ្ឋកិច្ច និងយោធាដែលកំពុងកើនឡើងរបស់រុស្ស៊ីជាមួយប្រទេសចិន កូរ៉េខាងជើង និងអ៊ីរ៉ង់ កំពុងគំរាមកំហែងដល់អឺរ៉ុប ឥណ្ឌូប៉ាស៊ីហ្វិក និងអាមេរិកខាងជើង។   

លោក Rutte នៅក្នុងអ្វីដែលទំនងជាសារទៅកាន់រដ្ឋបាលអាមេរិកបន្ទាប់ ខណៈប្រធានាធិបតីជាប់ឆ្នោតលោក Donald Trump ត្រៀមចូលកាន់តំណែងនោះ បានគូសបញ្ជាក់អំពីសារៈសំខាន់នៃឯកភាពឆ្លងមហាសមុទ្រអាត្លង់ទិក និងបន្តការគាំទ្រសម្រាប់អ៊ុយក្រែនក្នុងសង្រ្គាមរបស់ខ្លួនជាមួយរុស្ស៊ី។

ថ្លែងមុនកិច្ចពិភាក្សាជាមួយលោកប្រធានាធិបតីបារាំង Emmanuel Macron លោក Rutte បានគូសបញ្ជាក់ពីអ្វីដែលលោកមើលឃើញថាជាគ្រោះថ្នាក់បង្កឡើងដោយជំនួយយោធាកូរ៉េខាងជើង និងអ៊ីរ៉ង់សម្រាប់រុស្ស៊ី។ 

ប្រមុខណាតូថ្មីរូបនេះ បាននិយាយថា ជាមួយគ្នានេះ ប្រទេសចិនគាំទ្រសេដ្ឋកិច្ចរបស់រុស្ស៊ី បើកដំណើរការឧស្សាហកម្មការពារជាតិរបស់ខ្លួន និងពង្រីកការនិទានរឿងរបស់ខ្លួនទូទាំងឆាកពិភពលោក ។

រុស្ស៊ីកំពុងរួមដៃគ្នាជាមួយកូរ៉េខាងជើង អ៊ីរ៉ង់ និងចិន មិនត្រឹមតែគំរាមកំហែងដល់អឺរ៉ុបប៉ុណ្ណោះទេ ថែមទាំងគំរាមកំហែងដល់សន្តិភាព និងសន្តិសុខផងដែរ ទាំងនៅអឺរ៉ុប ឥណ្ឌូប៉ាស៊ីហ្វិក និងនៅអាមេរិកខាងជើងផងដែរ។

លោក Rutte បាននិយាយថា យើងត្រូវតែប្តេជ្ញាចិត្តឡើងវិញដើម្បីរក្សាដំណើរនៃសង្រ្គាម ហើយយើងត្រូវតែធ្វើកិច្ចការនានាឲ្យបានកាន់តែច្រើនដើម្បីជួយអ៊ុយក្រែនទប់ទល់សង្រ្គាមជាមួយរុស្ស៊ី៕