រដ្ឋមន្ត្រីការពារជាតិរុស្ស៊ី លោក Andrei Belousov បាននិយាយកាលពីថ្ងៃអង្គារថា ក្នុងគោលបំណងព្យាយាមរក្សាឥទ្ធិពលពិភពលោករបស់ខ្លួន ប្រទេសលោកខាងលិច កំពុងបំផ្លាញស្ថិរភាពក្នុងតំបន់។

លោក Belousov បាននិយាយនៅក្នុងកិច្ចប្រជុំក្រុមប្រឹក្សារដ្ឋមន្ត្រីការពារជាតិប្រទេសសហធនរដ្ឋឯករាជ្យ នៅក្នុងទីក្រុងមូស្គូ ថា ដើម្បីការពារតួនាទីនៃអនុត្តរភាព សមូហភាពរួមលោកខាងលិចកំពុងព្យាយាមបំផ្លាញស្ថិរភាពក្នុងតំបន់។

លោកនិយាយថា ហេតុដូច្នេះហើយ អ្នកចូលរួមនៃកិច្ចប្រជុំកំពូល BRICS នៅទីក្រុង Kazan ប្រទេសរុស្ស៊ី បានផ្តោតលើការជំរុញការដោះស្រាយជម្លោះដោយសន្តិវិធី និងការបង្កើតសណ្តាប់ធ្នាប់ពិភពលោកពហុប៉ូលដោយយុត្តិធម៌។ កិច្ចប្រជុំរបស់ក្រុមប្រឹក្សារដ្ឋមន្ត្រីការពារជាតិនៃប្រទេសសហធនរដ្ឋឯករាជ្យ(CIS) បានចាប់ផ្តើមនៅទីក្រុងមូស្គូ ប្រទេសរុស្ស៊ី កាលពីថ្ងៃអង្គារ។

លោក Belousov និយាយថា មន្ត្រីការពារជាតិជាន់ខ្ពស់មកពីប្រទេស អាស៊ែបៃហ្សង់ បេឡារុស កាហ្សាក់ស្ថាន កៀហ្ស៊ីស្ថាន តាជីគីស្ថាន អ៊ូសបេគីស្ថាន និងរុស្ស៊ី បានចូលរួមក្នុងកិច្ចប្រជុំនេះ ហើយ អ្នកចូលរួមនឹងផ្តោតលើរបៀបវារៈ ទាក់ទងទៅនឹងកិច្ចសហប្រតិបត្តិការយោធាពហុភាគីនៅក្នុងប្រទេសសហធនរដ្ឋឯករាជ្យ(CIS)។