អនុរដ្ឋមន្ត្រីការបរទេសរុស្ស៊ីលោក Mikhail Bogdanov ដែលបម្រើការជាបេសកជនពិសេសប្រធានាធិបតីសម្រាប់មជ្ឈិមបូព៌ា និងអាហ្វ្រិក បានប្រាប់សារព័ត៌មាន TASS នៅក្នុងបទសម្ភាសន៍មួយ បន្ទាប់ពីសន្និសីទថ្នាក់រដ្ឋមន្ត្រីរុស្ស៊ី-អាហ្វ្រិកលើកដំបូងថា បណ្តាប្រទេសនៅទ្វីបអាហ្រ្វិក ចង់ចូលរួមការងាររបស់ BRICS ហើយចាប់អារម្មណ៍លើទម្រង់នៃកិច្ចសហប្រតិបត្តិការជាមួយក្រុមនេះ។  

នៅពេលធ្វើអត្ថាធិប្បាយអំពីចំណាប់អារម្មណ៍របស់ប្រទេសអាហ្រ្វិកលើ BRICS លោកបាននិយាយថា៖   «ជាការពិតណាស់ ពួគទាំងអស់ មានការចាប់អារម្មណ៍។ នេះ គឺជាការពិត។ ពួកគេបាននិយាយនៅទីនេះ ក្នុងសន្និសីទថា ពួកគេចង់ផ្តល់គំរូ ឬទម្រង់នៃការចូលរួមការងារនេះ។ ការងារនេះដែរ កំពុងត្រូវបានពិភាក្សា។ 

សន្និសីទថ្នាក់រដ្ឋមន្ត្រីដំបូងនៃវេទិកាភាពជាដៃគូរុស្ស៊ី-អាហ្រ្វិក ត្រូវបានប្រារព្ធឡើង នៅថ្ងៃទី ៩-១០ ខែវិច្ឆិកា នៅក្នុងទឹកដីសហព័ន្ធ Sirius នៅលើឆ្នេរសមុទ្រខ្មៅរបស់ប្រទេសរុស្ស៊ី។ ព្រឹត្តិការណ៍នេះ មានការចូលរួមពីប្រតិភូប្រហែល ១.៥០០នាក់ ដែលក្នុងនោះ មានរដ្ឋមន្ត្រីជាង ៤០នាក់ មកពីប្រទេសអាហ្វ្រិក។