​អ៊ីរ៉ាក់៖ កាលពី​ថ្ងៃ​អង្គារ ក្រុម​អ្នកគាំទ្រ​គណបក្ស​សម្ព័ន្ធ Fatah របស់​ប្រទេស​អ៊ីរ៉ាក់បាន​ប្រមូល​ផ្ដុំគ្នា​នៅក្នុង​រដ្ឋធានី​បា​ដា​ដ ដើម្បី​អំពាវ​នាវ​ឲ្យ​រាប់​សន្លឹកឆ្នោត​ឡើងវិញ​ក្រោយ​ការបោះឆ្នោត​សកល​កាលពី​ថ្ងៃទី​១០ ​ខែតុលា​។​ ​ក្រុម​កងជីវពល​គាំទ្រ​ដោយ​ប្រទេស​អ៊ីរ៉ង់បាន​ទាត់ចោល​លទ្ធផល​ឆ្នោត បន្ទាប់ពី​គណបក្ស​សម្ព័ន្ធ Fatah បាន​មើលឃើញ​ការធ្លាក់ចុះ​ចំនួន​អាសនៈ​នៅ​សភាបាន​ធ្លាក់ចុះ​ពី ​៤៨ ដល់​ចន្លោះ​ពី​ ១២ និង​ ១៤​។

​ក្រុមអ្នកតវ៉ា​ដំឡើង​ជំរំ​តង់​នៅ​ជិត​តំបន់ Green Zone របស់​រដ្ឋធានី​អ៊ីរ៉ាក់ ជាការ​រៀបចំឡើង​ដើម្បី​តវ៉ា​ដោយ​អង្គុយ​ទាមទារ​ឲ្យ​រាប់​សន្លឹកឆ្នោត​ឡើងវិញ​។​ ​ក្រុមបាតុករ​បាន​ស្រែ​ស្រុះៗ​គ្នានូវ​ពាក្យស្លោក​ប្រឆាំងនឹង​សហរដ្ឋអាមេរិក និងប្រឆាំង​ការកែ​ប្រែទំនាក់ទំនង​មក​ធម្មតា​វិញ​ជាមួយ​អ៊ីស្រាអែល។ ​ពួកគេ​ក៏បាន​ជំទាស់​ទៅនឹង​ក្រុមមន្ត្រី​អង្គការសហប្រជាជាតិ​ផងដែរ ដែល​កំពុង​ទទួលខុស​ត្រូវ​ចំពោះ​ការឃ្លាំមើល​ការបោះឆ្នោត និង​ជួយ​ទប់ស្កាត់​ការលួចបន្លំសន្លឹកឆ្នោត​។ ​លទ្ធផល​បឋម​ដែល​ធ្លាប់បាន​បង្ហោះ​នៅតាម online បង្ហាញថា មេដឹកនាំ​សាសនា​អ៊ីស្លាម​និកាយ​ស៊ី​អ៊ី​តដ៏​មាន​ប្រជាប្រិយ​របស់​ប្រទេស​អ៊ីរ៉ាក់គឺ​លោក Muqtada al-Sadr នៅតែ​រក្សា​ចំនួន​អាសនៈ​ភាគច្រើនបំផុត​នៅក្នុង​សភា កំពុងនាំមុខ​ក្នុង​ខេត្ត​មួយចំនួន​ក្នុងចំណោម​ខេត្ត​ ១៨ របស់​អ៊ីរ៉ាក់រួមទាំង​រដ្ឋធានី​បា​ដា​ដ​ផងដែរ​៕

អត្ថបទ៖ សុខមាន