ខណៈដែលការអធិស្ឋានបុណ្យសព ត្រូវបានធ្វើឡើង កាលពីថ្ងៃពុធ (១៣ វិច្ឆិកា) នៅភាគកណ្តាលតំបន់ ហ្សាសម្រាប់ជនជាតិប៉ាឡេស្ទីន ដែលត្រូវបានសម្លាប់នៅក្នុងការវាយប្រហារតាមអាកាសរបស់អ៊ីស្រាអែលកាលពីថ្ងៃអង្គារ ប្រមុខការទូតរបស់សហរដ្ឋអាមេរិក បាននិយាយថា ដល់ពេលដែលត្រូវបញ្ចប់សង្រ្គាម ហើយ។

ថ្លែងក្នុងអំឡុងពេលធ្វើដំណើរទៅកាន់ទីក្រុងប្រ៊ុចសែល (Brussels) រដ្ឋមន្ត្រីការបរទេសលោក អង់តូនី ប៊ីនខិន (Antony Blinken) បាននិយាយថា ពិតជាចាំបាច់ត្រូវមាន «ការផ្អាកពិតប្រាកដ និងពន្យារពេល» ក្នុងការប្រយុទ្ធគ្នា នៅទូទាំងតំបន់ហ្កាហ្សា សម្រាប់ជំនួយដែលត្រូវការយ៉ាងខ្លាំង ដើម្បីទៅដល់ប្រជាជន នៅទីនោះ។

លោកក៏បាននិយាយផងដែរថា ឥឡូវនេះអ៊ីស្រាអែលបានសម្រេចគោលដៅរបស់ខ្លួន ក្នុងការរុះរើក្រុមហាម៉ាស និងសម្លាប់អ្នកដែលទទួលខុសត្រូវចំពោះការវាយប្រហារ កាលពីថ្ងៃទី ០៧ ខែតុលា ឆ្នាំ២០២៣។

«តាមស្តង់ដារដែលខ្លួនបានកំណត់ អ៊ីស្រាអែលបានសម្រេចគោលដៅដែលខ្លួនកំណត់សម្រាប់ខ្លួនឯង គោលដៅយុទ្ធសាស្ត្រដែលខ្លួនកំណត់... ដូច្នេះ នេះគួរតែជាពេលវេលាមួយ ដើម្បីបញ្ចប់សង្រ្គាម»។

កាលពីថ្ងៃអង្គារ (ទី១២ ខែ វិច្ឆិកា) ទីក្រុងវ៉ាស៊ីនតោន បានប្រឈមមុខនឹងក្រុមមនុស្សធម៌ ដើម្បីសន្និដ្ឋានថា អ៊ីស្រាអែល មិនបានរារាំងជំនួយទេ ខណៈដែលពេលវេលាកំណត់របស់សហរដ្ឋអាមេរិករយៈពេល ៣០ ថ្ងៃសម្រាប់អ៊ីស្រាអែល ក្នុងការដោះស្រាយស្ថានភាពនៅតំបន់ហ្កាហ្សា បានផុតសុពលភាព។