ប្រធានាធិបតីប្រទេសកូឡុំប៊ី លោក Gustavo Petro បាននិយាយកាលពីថ្ងៃពុធ ថា លោកបានប៉ាន់ប្រមាណថា ទឹកប្រាក់ជាង៣០០លានដុល្លារនឹងត្រូវការសម្រាប់ជំនួយដំបូង ដើម្បីដោះស្រាយគ្រាអាសន្ន ដែលបណ្តាលមកពីភ្លៀងធ្លាក់ខ្លាំងនៅភាគពាយព្យប្រទេស។

ភ្លៀងធ្លាក់ខ្លាំងនៅក្នុងទីក្រុង Choco បានបង្កឲ្យមានទឹកជំនន់ធ្ងន់ធ្ងរប៉ះពាល់ដល់គ្រួសាររាប់ពាន់គ្រួសារ និងបណ្តាលឱ្យមានការបំផ្លិចបំផ្លាញលំនៅឋាន និងហេដ្ឋារចនាសម្ព័ន្ធនៅក្នុងក្រុងជាច្រើន។

ប្រព័ន្ធផ្សព្វផ្សាយក្នុងស្រុកបានរាយការណ៍ថា ភ្លៀងធ្លាក់ខ្លាំងនៅពាសពេញតំបន់ឆ្នេរសមុទ្រប៉ាស៊ីហ្វិក និងនៅតំបន់ភ្នំអង់ របស់ប្រទេសកូឡុំប៊ី បានជម្លៀសប្រជាជនជាង ៩០.០០០នាក់ និងបានជន់លិចសហគមន៍ជាច្រើនកន្លែង។

អាកាសធាតុមិនអំណោយផលខ្លាំង បានបង្កឱ្យមានទឹកជំនន់ និងបំណាក់ដីរាលដាលនៅទូទាំងប្រទេសអាមេរិកខាងត្បូងមួយនេះ ដែលនាំឱ្យមេដឹកនាំឆ្វេងនិយមដំបូងរបស់ប្រទេសកូឡុំប៊ី ប្រកាសរដ្ឋក្នុងគ្រាអាសន្ននៅទូទាំងប្រទេស កាលពីថ្ងៃអាទិត្យ ទី១០ ខែវិច្ឆិកា។