​អាមេរិក៖ សារព័ត៌មាន The Verge បាន​រាយការណ៍​កាលពី​ថ្ងៃ​អង្គារ ​ទី១៩ ខែ​តុលា ដោយ​ដកស្រង់​ប្រភព​មួយ​ដែល​បាន​ដឹង​អំពី​បញ្ហា​នេះ​ថា ក្រុមហ៊ុន​បណ្ដាញ​សង្គម​ដ៏​ធំ​បំផុត​លើ​ពិភពលោក​មួយ​នេះ​ កំពុង​គ្រោង​ដាក់ឈ្មោះ​ថ្មីនៅ​សប្ដាហ៍​ក្រោយដើម្បី​បង្ហាញ​ពី​ការយកចិត្តទុកដាក់រ​បស់​ខ្លួន​ ចំពោះ​ការកសាង​បទពិសោធន៍​ឲ្យ​ដើរ​តាម​សម័យ​បច្ចេកវិទ្យា​ទំនើប។

​នាយក​ប្រតិបត្តិ Facebook លោក Mark Zuckerberg គ្រោង​នឹង​និយាយ​អំពី​ការផ្លាស់ប្តូរ​ឈ្មោះ​នៅក្នុង​សន្និសីទ​ប្រចាំឆ្នាំ​របស់​ក្រុមហ៊ុន​នៅ​ថ្ងៃទី២៨ ខែតុលា ប៉ុន្តែ​វា​អាច​ត្រូវ​បានបង្ហាញ​ក្នុងពេល​ឆាប់​ជាង​នេះ នេះ​បើ​យោងតាម​សារព័ត៌មាន The Verge ដដែល។ ​ប្រព័ន្ធ​នេះ​សំដៅ​លើ​បរិយាកាស​ពិភពលោក​តាមរយៈ​វីដេអូ​រួមគ្នា​ ដែល​មនុស្ស​អាច​ចូល​ប្រើ​បាន​តាមរយៈ​អ៊ីនធឺណិត​។ ពាក្យ​នេះ​អាច​សំដៅលើ​លំហ​ឌីជីថល ដែល​ឱ្យ​ជីវិត​កាន់តែ​រស់​រវើកដោយ​ការប្រើប្រាស់ប្រព័ន្ធ​វីដេអូ​ពិតៗ ឬ​សកម្មភាព​ពិតៗ​។ ​ការផ្លាស់ប្តូរ​ឈ្មោះ​នេះ​ទំនងជា​នឹងដាក់ app កម្មវិធី​ប្រព័ន្ធ​ផ្សព្វផ្សាយ​សង្គម Facebook ជា​ផលិតផល​មួយ​ក្នុងចំណោម​ផលិតផល​ជាច្រើន​ ដែល​ស្ថិតនៅក្រោម​ក្រុមហ៊ុន​ឈ្មោះ​ក្រុមហ៊ុននេះ ដែល​នឹង​គ្រប់គ្រង​ក្រុម​បណ្ដាញ​សង្គម​ទាំងនេះដូចជា Instagram, WhatsApp, Oculus និង​អ្វីៗ​ជាច្រើន​ទៀត​។ ​ក្រុមហ៊ុន Facebook បាន​និយាយថា ​ខ្លួន​មិន​ធ្វើ​អត្ថាធិប្បាយ​អំពី​ពាក្យ​ច​ចាម​អារ៉ាម ឬ​ការប៉ាន់ប្រមាណ​ទៅលើ​ស្ថានការណ៍​នោះទេ៕

អត្ថបទ៖ សុខមាន