​វាយកូនបាល់៖ ​កីឡាករ-កីឡាការិនី​វាយ​កូន​បាល់​ដែល​មិនបាន​ចាក់​វ៉ាក់សាំង​គ្រប់​ចំនួន​ដូ​ស ទំនងជា​មិនត្រូវ​បានអនុញ្ញាត​ឱ្យចូល​រួមការ​ប្រកួត​វាយ​កូន​បាល់ Grand Slam ដើមឆ្នាំ​ក្រោយ Australian Open ឡើយ នេះ​បើតាម​ការបញ្ជាក់​របស់​រដ្ឋបាល​រដ្ឋ Victoria ប្រទេស​អូស្ត្រាលី​។ ​​ព្រឹត្តិការណ៍ Grand Slam ដើមឆ្នាំ​ក្រោយ Australian Open នឹង​ដំណើរការ​នៅ​ថ្ងៃទី១៧ ខែមករា​នៅ​ទីក្រុង Melbourne​។​

​​លោក Daniel Andrews អភិបាលរដ្ឋ Victoria បាន​និយាយថា លោក​មិន​គិតថា ​អ្នកចូលរួម​នៅក្នុង​ព្រឹត្តិការណ៍ Australian Open អាច​ទទួលបាន​វ៉ាក់សាំង​ឡើយ​ ប្រសិន​ពួកគេ​មិនបាន​ចាក់​វ៉ាក់សាំង​គ្រប់​ចំនួន​នោះទេ​។ ​​ទោះ​ជាមាន​វ៉ាក់សាំង​ក៏ដោយ​ក្តី ការធ្វើ​ច​ត្តា​ឡី​ស័ក​ក៏​នៅតែ​បន្ត​អនុវត្ត​ដដែល គ្រាន់តែ​ពេលវេលា​នៃ​ការធ្វើ​ច​ត្តា​ឡី​ស័ក​ប៉ុណ្ណា​នោះ​នឹងត្រូវ​សំរេច​នៅពេល​ក្រោយ​។ ​​សូម​បញ្ជាក់ដែរថា កីឡាករ​លំដាប់​លេខ ១ ពិភពលោក Novak Djokovic កាលពី​ថ្ងៃ​ចន្ទ​កន្លងមក​បាន​បដិសេធ​មិន​បង្ហាញថា ​ខ្លួន​បាន​ចាក់​វ៉ាក់សាំង​រឺក៏​អត់ ហើយ​ក៏បាន​បង្ហើប​ថា​ មិនទាន់​ច្បាស់​ថា​នឹងចូលរួម​ការពារ​តំណែង​ជើងឯក​របស់ខ្លួន រឺក៏​អត់​ផងដែរ​។ ​​ម្ចាស់​ជើងឯក Grand Slam ២០លើក​រូបនេះ​បាន​និយាយ​ក្នុង​កិច្ចសម្ភាសន៍​នៅ​ប្រទេស​ស៊ែ​ប​ថា ការចាក់​វ៉ាក់សាំង រឺក៏​អត់​គឺជា​រឿង​ផ្ទាល់ខ្លួន​របស់គេ មិនចាំបាច់​ត្រូវ​និយាយ​ជា​សាធារណ​នោះឡើយ​៕

​អត្ថបទ​៖​នាង សុភា​វុ​ធ