ក្រុមបាតុករនៅតំបន់ផ្ដាច់ខ្លួន អាប់ខាស៊ី(Abkhazia) ដែលគាំទ្រដោយរុស្ស៊ីរបស់ប្រទេសហ្ស៊កហ្ស៊ី កាលពីថ្ងៃសៅរ៍ បានបដិសេធមិនចាកចេញពីអគារសភា ដែលពួកគេបានសម្រុកចូលមួយថ្ងៃមុន។

ពួកគេបានកាន់កាប់អគារនេះដើម្បីប្រឆាំងនឹងកិច្ចព្រមព្រៀងវិនិយោគជាមួយទីក្រុងមូស្គូ។

យោងតាមទីភ្នាក់ងារសារព័ត៌មានរុស្ស៊ី RIA បានឱ្យដឹងថា ប្រធានតំបន់លោក អាស្លាន ហ្សានៀ (Aslan Bzhania) បាននិយាយថា លោកនឹងលាលែងពីតំណែង និងរៀបចំការបោះឆ្នោតមួយ ប្រសិនបើក្រុមបាតុករចាកចេញ។ 

លោកថា លោកគ្រោងនឹងឈរឈ្មោះក្នុងការបោះឆ្នោតនោះ។

មេដឹកនាំបក្សប្រឆាំងប្រចាំតំបន់ អាប់ខាស៊ី បាននិយាយថា កិច្ចព្រមព្រៀងនេះនឹងអនុញ្ញាតឱ្យមានគម្រោងវិនិយោគដោយអង្គភាពនានាស្របច្បាប់របស់រុស្ស៊ី។

ពួកគេបានបន្ថែមថា ផែនការនោះនឹងធ្វើឱ្យតម្លៃទីផ្សារអចលនទ្រព្យក្នុងស្រុកចុះថោក ដោយអនុញ្ញាតឱ្យលុយរុស្ស៊ីហូរចូលកាន់តែច្រើន។

ក្នុងការតវ៉ាដែលនៅតែបន្តនោះ ក្រុមបាតុករបានបើករថយន្តបំបុកទ្វារដែកជុំវិញសភារបស់រដ្ឋធានីនេះ៕