រថយន្តរាប់ម៉ឺនគ្រឿងត្រូវបានរងផលប៉ះពាល់យ៉ាងធ្ងន់ធ្ងរដោយសារទឹកជំនន់ដ៏មហន្តរាយដែលបានវាយប្រហារតំបន់ Valencia របស់ប្រទេសអេស្ប៉ាញនាពេលថ្មីៗនេះ ។

 ទឹកជំនន់បានបន្សល់ទុកនូវការបំផ្លិចបំផ្លាញធ្ងន់ធ្ងរ ដោយរថយន្តដែលរងការខូចខាតបានគៀបជាប់គ្នានៅក្នុងរដ្ឋ Massanassa និងតំបន់ឧស្សាហកម្មជុំវិញ ជាទីដែលសំបូរទៅដោយហាងលក់ទំនិញ និងលំនៅដ្ឋាន។

ស្របពេលក្រុមសង្គ្រោះបន្ទាន់ធ្វើការដោយមិនខ្លាចនឿយហត់ដើម្បីសម្អាតកម្ទេចកម្ទី ផ្លូវជាច្រើននៅតែកកស្ទះដោយរថយន្តដែលគេបោះបង់ចោល។ 

រថយន្តក្រឡាប់គរលើគ្នារាប់មិនអស់ ស្ថិតនៅក្បែរអគារលំនៅដ្ឋាន ហើយរថយន្តដែលខូចខាតត្រូវបានរាយប៉ាយនៅទូទាំងចំណត ដែលបង្កការលំបាកដល់ក្រុមអាជ្ញាធរមូលដ្ឋានក្នុងការស្តារសណ្តាប់ធ្នាប់ឡើងវិញ។

សភាពាណិជ្ជកម្ម Valencia បានប៉ាន់ប្រមាណថា រថយន្តចំនួន ១៣៧.០០០គ្រឿងត្រូវបានខូចខាត ឬបំផ្លាញដោយសារទឹកជំនន់។ 

នៅពេលកិច្ចខិតខំប្រឹងប្រែងស្តារឡើងវិញកាន់តែខ្លាំង តំបន់នេះប្រឈមការលំបាកក្នុងការស្តារឡើងវិញ ដោយអ្នកស្រុករាប់ពាន់នាក់ឥឡូវនេះកំពុងប្រឈមផលវិបាកនៃព្រឹត្តិការណ៍ទឹកជំនន់ដ៏បំផ្លិចបំផ្លាញបំផុតមួយក្នុងចំណោមហេតុការណ៍ជាច្រើន នៅក្នុងការចងចាំនាពេលថ្មីៗនេះ៕