តម្លៃប្រេងបានកើនឡើងនៅថ្ងៃចន្ទ (១៨ វិច្ឆិកា) នេះ បន្ទាប់ពីការប្រយុទ្ធគ្នារវាងរុស្ស៊ី និងអ៊ុយក្រែន កាន់តែខ្លាំងក្លាឡើងកាលពីចុងសប្តាហ៍ ទោះជាក្ដីបារម្ភអំពីតម្រូវការប្រេងឥន្ធនៈនៅក្នុងប្រទេសចិន ដែលជាអ្នកប្រើប្រាស់ធំបំផុតទីពីររបស់ពិភពលោក និងការព្យាករនៃអតិរេក (ភាពលើសចំណុះ) របស់ប្រេងពិភពលោក បានដាក់បន្ទុកនៅលើទីផ្សារក៏ដោយ។

ភាគហ៊ុនប្រេងឆៅ Brent បានកើនឡើង ២៩សេន ឬ ០,៤% ដល់ ៧១,៣៣ដុល្លារ ក្នុងមួយបារ៉ែលត្រឹមម៉ោងសកល ០៥:០២ ខណៈភាគហ៊ុនប្រេងឆៅរបស់អាមេរិក WTI មានតម្លៃ ៦៧,២០ដុល្លារ ក្នុងមួយបារ៉ែល ជាកំណើន ១៨សេន ឬ ០,៣% ។

អ្នកវិភាគផ្នែកទីផ្សារនិយាយថា "ការបន្តប្រយុទ្ធរវាងរុស្ស៊ី-អ៊ុយក្រែន និងរបាយកាណ៍ដែលថាអាមេរិក អនុញ្ញាតឱ្យអ៊ុយក្រែន វាយប្រហារជ្រៅក្នុងទឹកដីរុស្ស៊ី នឹងមើលឃើញកំណើនតម្លៃប្រេងឡើងវិញ ជុំវិញភាពតានតឹងដ៏ស្មុគស្មាញ"។

អ្នកវិភាគផ្នែកថាមពលលើកឡើងថា "រហូតមកដល់ពេលនេះ មានផលប៉ះពាល់តិចតួចប៉ុណ្ណោះលើការនាំចេញប្រេងរបស់រុស្ស៊ី ប៉ុន្តែប្រសិនបើអ៊ុយក្រែន កំណត់គោលដៅលើហេដ្ឋារចនាសម្ព័ន្ធប្រេងបន្ថែមទៀត នោះនឹងអាចមើលឃើញទីផ្សារប្រេងកើនឡើងមិនឈប់ឈរ"៕