អំឡុងសន្និសីទសារព័ត៌មាននៅកិច្ចប្រជុំកំពូលប្រទេសមានឧស្សាហកម្មរីកលូតលាស់ G20 នៅប្រទេសប្រេស៊ីល អគ្គលេខាធិការអង្គការសហប្រជាជាតិ(UN)លោក Antonio Guterres បាននិយាយថា ការកើនឡើងកម្តៅជម្លោះអចិន្រ្តៃយ៍នៅអ៊ុយក្រេន ត្រូវតែចៀសវាងឲ្យបាន ។

លោក Guterres បាននិយាយប្រាប់ក្រុមអ្នកសារព័ត៌មាននៅទីក្រុង Rio de Janeiro កាលពីថ្ងៃអាទិត្យថា ពួកយើងចង់បានសន្តិភាព ប៉ុន្តែពួកយើងចង់បានសន្តិភាពប្រកបដោយយុត្តិធម៌ ស្របតាមសេចក្តីសម្រេចរបស់មហាសន្និបាត UN រដ្ឋធម្មនុញ្ញរបស់ UN និងស្របតាមច្បាប់អន្តរជាតិ ។

មន្រ្តីសហរដ្ឋអាមេរិក ២រូប និងប្រភពដែលនៅជិតស្និតនឹងការសម្រេចចិត្តនេះ បានប្រកាសឲ្យដឹងពីការផ្លាស់ប្តូរជាដុំកំភួននៃគោលនយោបាយទីក្រុងវ៉ាស៊ីងតោននៅក្នុងជម្លោះរុស្ស៊ី-អ៊ុយក្រែន កាលពីព្រឹកថ្ងៃអាទិត្យ ។

ប្រភពព័ត៌មានដែលពុំបានបញ្ជាក់ពីរឿងរ៉ាវលម្អិតដោយសារក្តីបារម្ភសន្តិសុខនៃប្រតិបត្តិការ បានឲ្យដឹងថា អ៊ុយក្រែន គ្រោងនឹងបើកការវាយប្រហារមីស៊ីលរយៈចម្ងាយឆ្ងាយលើកដំបូងរបស់ខ្លួននៅរយៈពេលប៉ុន្មានថ្ងៃខាងមុខនេះ ។

ចំណាត់ការនេះ បានកើតមានឡើង រយៈពេល ២ខែ មុនពេលលោកប្រធានាធិបតីជាប់ឆ្នោត Donald Trump ឡើងកាន់អំណាចនៅថ្ងៃទី ២០ ខែមករា ឆ្នាំក្រោយខាងមុខនេះ និងបន្ទាប់ពីការទទួចសុំរបស់ប្រធានាធិបតីអ៊ុយក្រែនលោក Volodymyr Zelenskiy អនុញ្ញាតឲ្យយោធាអ៊ុយក្រែនប្រើប្រាស់អាវុធសហរដ្ឋអាមេរិក វាយប្រហារគោលដៅយោធារុស្ស៊ី ចេញពីព្រំដែនរបស់ខ្លួន ៕