តុលាការកំពូលរបស់ទីក្រុងហុងកុង នៅថ្ងៃអង្គារ (១៩ វិច្ឆិកា) នេះបានកាត់ទោសសកម្មជន ៤៥នាក់ ឱ្យជាប់ពន្ធនាគារ ក្នុងការកាត់ក្តីសន្តិសុខជាតិរយៈពេលជាច្រើនឆ្នាំ ដែលបានធ្វើឱ្យខូចដល់ចលនាគាំទ្រលទ្ធិប្រជាធិបតេយ្យដ៏ក្តៅគគុករបស់ទីក្រុង និងទាក់ទាញការរិះគន់ជាសកល។

បុរសម្នាក់ឈ្មោះ Benny Tai អតីតអ្នកជំនាញផ្នែកច្បាប់ ដែលត្រូវបានគេដាក់ឈ្មោះថា "អ្នករៀបចំ" ក្នុងចំណោមសកម្មជន ៤៧នាក់ ដែលត្រូវចាប់ខ្លួននិងចោទប្រកាន់កាលឆ្នាំ២០២១ ពីបទសមគំនិតក្នុងអំពើវិទ្ធង្សនា (ការបង្កភាពវឹកវរដល់សង្គម) នៅក្រោមច្បាប់សន្តិសុខជាតិ ត្រូវបានកាត់ទោសឱ្យជាប់ពន្ធនាគារ ១០ឆ្នាំ។

យោងតាមតុលាការ​ហុងកុង​បានឱ្យ​ដឹង​ថា ការ​ជាប់​ពន្ធនាគារ​សម្រាប់​សកម្មជន​ទាំង​នោះ​មាន​ចាប់ពី ៥០ ខែ​ដល់ ១០ ឆ្នាំ​៕