នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ (Benjamin Netanyahu) បាននិយាយនៅក្នុងកិច្ចប្រជុំសភាថា អ៊ីស្រាអែល បានវាយប្រហារលើ«ផ្នែកជាក់លាក់នៃកម្មវិធីនុយក្លេអ៊ែររបស់សាធារណរដ្ឋឥស្លាមនេះ» ក្នុងអំឡុងពេលនៃការវាយប្រហារចុងក្រោយបំផុតរបស់ខ្លួនលើប្រទេសអ៊ីរ៉ង់។

ទូរទស្សន៍របស់សភា បានដកស្រង់សម្តីលោកនាយករដ្ឋមន្ត្រីថា៖«វាមិនមែនជារឿងសម្ងាត់ទេ។ ការវាយប្រហារនោះ បានត្រូវចំផ្នែកជាក់លាក់នៃកម្មវិធីនុយក្លេអ៊ែររបស់ពួកគេ»។ លោក ណេតាន់យ៉ាហ៊ូ មិនបានបញ្ជាក់ថាតើវត្ថុប្រភេទណា ត្រូវបានកំណត់គោលដៅនោះទេ។

ទោះយ៉ាងណា លោកបានទទួលស្គាល់ថា ការវាយប្រហារ មិនបានបញ្ឈប់កម្មវិធីនុយក្លេអ៊ែររបស់អ៊ីរ៉ង់  ទាំងស្រុងនោះទេ។ លោកនាយករដ្ឋមន្ត្រី បាននិយាយថា៖«កម្មវិធីនោះផ្ទាល់ និងការធ្វើសកម្មដ៏មានសក្តានុពលរបស់វា មិនត្រូវបានបញ្ឈប់ទេ។ យើងបានពន្យារពេលការអនុវត្តរបស់ខ្លួនអស់រយៈពេល ១០ឆ្នាំ ប៉ុន្តែអ៊ីរ៉ង់បានធ្វើឲ្យមានការវិវឌ្ឍគួរឲ្យកត់សម្គាល់ ក្នុងការចម្រាញ់សារធាតុអ៊ុយរ៉ានីញ៉ូម»។

កាលពីថ្ងៃទី ០១ ខែតុលា ឆ្នាំ ២០២៤នេះ សាធារណរដ្ឋឥស្លាម បានបើកការវាយប្រហារដោយមី ស៊ីល  ទ្រង់ទ្រាយធំមួយលើអ៊ីស្រាអែល ជាការឆ្លើយតបនឹងការសម្លាប់មន្ត្រីជាន់ខ្ពស់នៃចលនាប៉ាឡេ      ស្ទីនហាម៉ាស ក្រុមហេសបូឡា និងកងឆ្មាំបដិវត្តន៍ឥស្លាម។ យោងតាមភាគីអ៊ីស្រាអែលបានឲ្យដឹងថា មី   ស៊ីលប្រហែល ១៨០គ្រាប់ ត្រូវបានបាញ់ ដោយភាគច្រើនត្រូវស្ទាក់ចាប់បាន។ មេដឹកនាំកំពូលរបស់អ៊ីរ៉ង់ លោក Ali Khamenei បានព្រមានថា ការវាយប្រហារលើអ៊ីស្រាអែល នឹងត្រូវបានពង្រីកថែមទៀត។