ក្រុមតំណាងឲ្យក្រុមគ្រួសារនៃអ្នកដែលត្រូវបានចាប់ពង្រត់ដោយកូរ៉េខាងជើង បាននិយាយនៅថ្ងៃអង្គារនេះថា ខ្លួននឹងបន្តបញ្ជូនខិត្តប័ណ្ណឃោសនា ទៅកាន់កូរ៉េខាងជើង។

លោក Choi Seong-ryong ដែលជាប្រធានក្រុម និងលោកស្រី Park Sang-hak ប្រធានក្រុមអ្នកតស៊ូដើម្បីកូរ៉េខាងជើងសេរី (Fighters for a Free North Korea) ដែលជាក្រុមអ្នករត់ចោលស្រុក  កូរ៉េខាងជើង បានជួបប្រជុំគ្នា នៅស្ថានីយឆ្មាំឆ្នេរសមុទ្រ ក្នុងទីក្រុង Sokcho ចម្ងាយប្រហែល ១៥១ គីឡូម៉ែត្រ ភាគឦសាននៃទីក្រុងសេអ៊ូល ហើយបានពិភាក្សាគ្នាអំពីផែនការរបស់ពួកគេ ក្នុងការបង្ហោះ ខិតប័ណ្ណប្រឆាំងទីក្រុងព្យុងយ៉ាង ទៅកាន់ភាគខាងជើង។

បន្ទាប់ពីជួបជាមួយមន្ត្រីឆ្មាំឆ្នេរ ពួកគេ បានបន្តឆន្ទៈក្នុងការបញ្ជូនខិត្តប័ណ្ណ ទៅកូរ៉េខាងជើងចេញពីសមុទ្រ។

ក្រុមមន្ត្រី បាននិយាយថា ឆ្មាំឆ្នេរសមុទ្រ គ្រោងនឹងសម្រេចចិត្តថាតើត្រូវអនុញ្ញាតឲ្យពួកគេបញ្ជូន ខិត្តប័ណ្ណចេញពីសមុទ្រ បន្ទាប់ពីពិនិត្យមើលបញ្ហាសុវត្ថិភាព និងច្បាប់ដែលពាក់ព័ន្ធ។

ពួកគេក៏បាននិយាយផងដែរថា នឹងបន្តការបញ្ជូនបាឡុងធំៗដែលផ្ទុកខិតប័ណ្ណនៅក្នុងទីក្រុង Paju ព្រំដែនភាគខាងលិច។

ពួកគេ គ្រោងនឹងបញ្ជូនខិតប័ណ្ណចំនួន ៥0.000សន្លឹក និងព្រឹត្តិបត្រព័ត៌មាននៃសមាជិកគ្រួសាររបស់អ្នកចាប់ពង្រត់ នៅទីក្រុង Paju និងតំបន់ Goseong រៀងៗខ្លួន។ កាលបរិច្ឆេទពិតប្រាកដនៃសកម្មភាពនេះមិនទាន់ដឹងនៅឡើយទេ។