វិមានក្រឹមឡាំង និយាយនៅថ្ងៃអង្គារនេះថា គោលដៅនៃការធ្វើបច្ចុប្បន្នភាពទ្រឹស្តីនុយក្លេអ៊ែររុស្ស៊ី គឺដើម្បីធ្វើឲ្យសត្រូវយល់កាន់តែច្បាស់ពីភាពចៀសមិនរួចពីការសងសឹកសម្រាប់ការវាយប្រហាររុស្ស៊ី ឬសម្ព័ន្ធរបស់ខ្លួន ។

អ្នកនាំពាក្យវិមានក្រឹមឡាំងលោក Dmitry Peskov បានធ្វើការសង្កត់ធ្ងន់ថា រាល់ការវាយប្រហារណាមួយលើរុស្ស៊ីដោយរដ្ឋគ្មាននុយក្លេអ៊ែរ ដោយមានការចូលរួមពីរដ្ឋនុយក្លេអ៊ែរ នឹងចាត់ទុកថាគឺជាការវាយប្រហាររួមគ្នា ។

លោកនិយាយថា សហព័ន្ធរុស្ស៊ីសូមរក្សាសិទ្ធិប្រើប្រាស់អាវុធនុយក្លេអ៊ែរក្នុងករណីមានការឈ្លានពានដោយប្រើប្រាស់អាវុធមិនមែននុយក្លេអ៊ែរប្រឆាំងនឹងខ្លួន ឬសម្ព័ន្ធមិត្តបេឡារុស ដែលបង្កើតឲ្យមានការគំរាមកំហែងធ្ងន់ធ្ងរដល់អធិបតេយ្យភាព ឬបូរណភាពទឹកដីរបស់ពួកយើង ។

រដ្ឋបាលរបស់ប្រធានាធិបតីសហរដ្ឋអាមេរិកលោក Joe Biden បានអនុញ្ញាតឲ្យអ៊ុយក្រែនប្រើប្រាស់អាវុធផលិតនៅសហរដ្ឋអាមេរិក វាយប្រហារកាន់តែជ្រៅទៅក្នុងទឹកដីរុស្ស៊ី គឺជាការផ្លាស់ប្តូរដ៏សំខាន់មួយនៃគោលនយោបាយរបស់សហរដ្ឋអាមេរិកលើជម្លោះអ៊ុយក្រែន-រុស្ស៊ី ។

សូមបញ្ជាក់ថា ប្រធានាធិបតីរុស្ស៊ីលោក Vladimir Putin បានព្រមានលោកខាងលិចជាយូរមកហើយថា មិនត្រូវអនុញ្ញាតឲ្យអាវុធសហរដ្ឋអាមេរិកប្រើប្រាស់វាយប្រហារកាន់តែជ្រៅទៅក្នុងទឹកដីរុស្ស៊ីនោះឡើយ ប៉ុន្តែលោក Kelly និយាយថា លោកមានជំនឿថា លោក Putin មិនទំនងជាវាយប្រហារសហរដ្ឋអាមេរិកដោយផ្ទាល់នោះទេ ក្នុងលក្ខណៈយោធា ៕