ឧត្តមនាវីឯកជាន់ខ្ពស់របស់សហរដ្ឋអាមេរិក ដែលឃ្លាំមើលកងកម្លាំងអាមេរិក នៅក្នុងតំបន់អាស៊ីប៉ាស៊ីហ្វិក បាននិយាយកាលពីថ្ងៃអង្គារ (១៩ វិច្ឆិកា) ថា ជម្លោះនៅអ៊ុយក្រែន និងមជ្ឈិមបូព៌ា កំពុងលេបត្របាក់ឃ្លាំងស្តុកការពារដែនអាកាសរបស់ទីក្រុងវ៉ាស៊ីនតោន ជាមួយនឹងការផ្គត់ផ្គង់សន្ធឹកសន្ធាប់។

ប្រមុខបញ្ជាការឥណ្ឌូប៉ាស៊ីហ្វិករបស់អាមេរិក លោក Samuel Paparo បាននិយាយក្នុងពញរឹត្តិការណ៍មួយថា "ជាមួយនឹងការដាក់ពង្រាយមីស៊ីល ប៉ាទ្រីយ៉ូត និងមីស៊ីលមួយចំនួនដែលត្រូវបានប្រើប្រាស់នោះ ឥឡូវនេះវាកំពុងលេបត្របាក់ឃ្លាំងស្តុកហើយ ហើយបើអ្នកណានិយាយផ្ទុយពីនេះ នោះនឹងមានភាពមិនស្មោះត្រង់ទេ"។

រដ្ឋបាលរបស់លោក Biden បាននិងកំពុងផ្តល់អាវុធដល់អ៊ុយក្រែន និងអ៊ីស្រាអែលជាលំដាប់ជាមួយនឹងប្រព័ន្ធការពារដែនអាកាសទំនើបបំផុតរបស់ខ្លួន។ លោក Biden ផ្តល់ឱ្យទីក្រុងគីវ នូវប្រព័ន្ធការពារពេញលេញ រួមទាំងមីស៊ីល ប៉ាទ្រីយ៉ូត និងប្រព័ន្ធមីស៊ីលបាញ់ពីអាកាសទៅអាកាស កម្រិតខ្ពស់ថ្នាក់ជាតិ។

ជាមួយគ្នានេះ កងទ័ពជើងទឹកអាមេរិក ក៏បាននិងកំពុងការពារដោយផ្ទាល់នូវការដឹកជញ្ជូនទំនិញក្នុងសមុទ្រក្រហម ដោយប្រឈមមុខនឹងការវាយប្រហារមីស៊ីល និងយានដ្រូនពីក្រុមឧទ្ទាម ហ៊ូទី ក្នុងប្រទេសយេម៉ែន។ អាមេរិកកាលពីខែមុន ថែមទាំងបានដាក់ពង្រាយប្រព័ន្ធមីស៊ីល ថាអាដ ( THAAD) ទៅកាន់អ៊ីស្រាអែល ឬហៅថាប្រព័ន្ធការពារដែនអាកាសរយៈកម្ពស់ខ្ពស់មានសមត្ថភាពខ្លាំង និងកងទ័ពអាមេរិកប្រហែល ១០០នាក់ដើម្បីប្រតិបត្តិការប្រព័ន្ធនេះ៕