ការប្រកាសអាសន្នការវាយឆ្មក់តាមច្រកអាកាស បានធ្វើឡើងនៅក្នុងរដ្ឋធានីគីវ របស់ប្រទេសអ៊ុយក្រែន និងតំបន់ផ្សេងទៀតនាថ្ងៃពុធនេះ ស្របពេលកងកម្លាំងអាកាសទីក្រុងកីវ បានរៀបរាប់ថាវាជាការគំរាមកំហែងដោយមីស៊ីល ។

ការប្រកាសអាសន្នដែលប្រធានរដ្ឋបាលប្រធានាធិបតីប្រធានាធិបតីអ៊ុយក្រែនជំរុញពលរដ្ឋថា ត្រូវតែអើពើនោះ បានកើតមានឡើង រយៈពេលប៉ុន្មានម៉ោងប៉ុណ្ណោះ ក្រោយក្រសួងការបរទេសសហរដ្ឋអាមេរិក បានបិទស្ថានទូតរបស់ខ្លួននៅក្នុងទីក្រុងគីវ ដោយសារមានព័ត៌មានច្បាស់ការណ៍ពីការវាយប្រហារតាមច្រកអាកាសដ៏មានសក្តានុពល ។

កាលពីថ្ងៃអង្គារម្សិលមិញ អ៊ុយក្រែន បានប្រើប្រាស់មីស៊ីល ATACMS របស់អាមេរិក ដើម្បីវាយប្រហារលើគោលដៅក្នុងដែនដីរុស្ស៊ី យកប្រៀបពីការអនុញ្ញាតផ្តល់ជូនថ្មីពីរដ្ឋបាលជិតផុតអាណត្តិរបស់លោកប្រធានាធិបតីសហរដ្ឋអាមេរិក Biden នៅថ្ងៃទី ១ពាន់នៃសង្រ្គាមរបស់រុស្ស៊ី ។

សូមបញ្ជាក់ថា រុស្ស៊ី បានព្រមានលោកខាងលិចជាច្រើនខែមកហើយថា ប្រសិនបើទីក្រុងវ៉ាស៊ីងតោន អនុញ្ញាតឲ្យអ៊ុយក្រែន បាញ់មីស៊ីលរបស់អាមេរិក អង់គ្លេស និងបារាំង ចូលជ្រៅទៅក្នុងទឹកដីប្រទេសរុស្ស៊ី នោះទីក្រុងម៉ូស្គូ នឹងចាត់ទុកសមាជិកសម្ព័ន្ធយោធាណាតូទាំងនោះថា បានពាក់ព័ន្ធដោយផ្ទាល់នៅក្នុងសង្គ្រាមនៅអ៊ុយក្រែន ៕