នាយករដ្ឋមន្រ្តីម៉ាឡេស៊ីលោក Anwar Ibrahim បានស្វាគមន៍មេដឹកនាំបក្សកុម្មុយនិស្តវៀតណាមលោក To Lam មកកាន់វិមាន Putrajaya នៅថ្ងៃព្រសហ្បតិ៍នេះ ជាទីដែលមេដឹកនាំទាំង ២ ពង្រឹងទំនាក់ទំនងរវាងប្រទេសជាតិទាំង ២ ។

កិច្ចពិភាក្សានៅក្នុងជំនួបនេះ ផ្តោតសំខាន់លើការធ្វើឲ្យល្អប្រសើរឡើងកិច្ចសហប្រតិបត្តិការលើវិស័យជាច្រើន រួមទាំងវិស័យពាណិជ្ជកម្ម ការពារជាតិ កិច្ចការសមុទ្រ និងថាមពល ។

ជំនួបនេះដែរ បានមើលឃើញផងដែរការផ្លាស់ប្តូរអនុស្សរណៈយោគយល់រវាងសាជីវកម្មអភិវឌ្ឍន៍ពាណិជ្ជកម្មក្រៅប្រទេសម៉ាឡេស៊ី(MATRADE) និង Vietrade ដែលជាទីភ្នាក់ងារលើកកម្ពស់ពាណិជ្ជកម្មវៀតណាម ។

កិច្ចព្រមព្រៀងមួយទៀត រវាងក្រុមហ៊ុនប្រេង Petronas និងក្រុមហ៊ុនប្រេង PetroVietnam មានគោលដៅអភិវឌ្ឍថាមពលកកើតថ្មៅកម្លាំង ៣ ជីហ្គាវ៉ាត់ ជាមួយនឹងការផ្តោតសំខាន់ដំបូងលើការនាំចេញថាមពលខ្យល់នៅតាមតំបន់ឆ្នេរ ចេញពីវៀតណាមទៅកាន់ប្រទេសម៉ាឡេស៊ី ។

លោក Anwar បានថ្លែងថា វៀតណាមគាំទ្រខ្លាំងការក្រុមហ៊ុនធុរកិច្ចនៅក្នុងប្រទេសវៀតណាមរបស់ពួកយើង ដែលបច្ចុប្បន្នមានទំហំទឹកប្រាក់រហូតដល់ ១៣ពាន់លានដុល្លារ លើគម្រោងចំនួន ៧០០ ។

នៅក្នុងសុន្ទរកថារបស់លោក លោក Lam បានបញ្ជាក់ផងដែរពីការប្តេជ្ញាចិត្តរបស់លោកចំពោះទំនាក់ទំនងទ្វេភាគីរវាងប្រទេសទាំង ២ ។ បច្ចប្បន្នលោក Lam កំពុងស្ថិតនៅលើដំណើរបំពេញទស្សនកិច្ចផ្លូវការរយៈពេល ៣ថ្ងៃនៅប្រទេសម៉ាឡេស៊ី ៕