លោក Ahmad Fahess គឺជាម្ចាស់ធុរកិច្ចខ្នាតតូចនៅក្នុងប្រទេសលីបង់ គិតថា គ្មានអ្វីអាចអាក្រក់ជាងការធ្វើរោគវិនិច្ឆ័យឃើញមានជំងឺមហារីករបស់លោកនោះទេ រហូតដល់ថ្ងៃមួយ ពេលដែលលោកកំពុងធ្វើការ ស្រាប់តែការវាយប្រហារតាមច្រកអាកាសរបស់អ៊ីស្រាអែល ចាប់ផ្តើមដាក់គោលដៅលើទីក្រុង Nabatieh របស់លោក នៅតំបន់ភាគខាងត្បូងលីបង់ ។

ពេលដែលលោកឃើញភាពរញ៉េរញ៉ៃនៅជុំវិញរូបលោក លោកដឹងថា លោកត្រូវតែបបួលគ្រួសាររបស់លោករត់ភៀសខ្លួន ។

ស្រក់ទឹកភ្នែកពេលលោកទទួលការព្យាបាលនៅមន្ទីរពេទ្យ AUBMC ស្ថិតក្នុងទីក្រុងបេរូត ប្អូនស្រីរបស់លោកអង្គុយនៅក្បែរលោក លោក Fahess និយាយថា ពួកយើងចង់វិលត្រឡប់ទៅផ្ទះរបស់ពួកយើងវិញ ត្រឡប់ទៅកាន់ការងាររបស់ពួកយើងវិញ ។

អ៊ីស្រាអែល បានចាប់ផ្តើមបើកការវាយប្រហារទ្រង់ទ្រាយធំចូលទៅក្នុងតំបន់ភាគខាងត្បូងលីបង់ កាលពីខែកញ្ញាកន្លងទៅ រយៈពេលជិត ១ឆ្នាំក្រោយក្រុមហេសបូឡាគាំទ្រដោយអ៊ីរ៉ង់ បង្កើនការវាយប្រហារដោយរ៉ុក្កែតរបស់ពួកគេ លើតំបន់ភាគខាងជើងអ៊ីស្រាអែល ស្របពេលដែលអ៊ីស្រាអែល ធ្វើសង្រ្គាមជាមួយក្រុមហាម៉ាស់នៅតំបន់ហ្កាហ្សា បន្ទាប់ពីក្រុមជីវពលមួយនេះ វាយប្រហាអ៊ីស្រាអែល ចេញពីតំបន់ហ្កាហ្សា ។

ទីក្រុងវ៉ាស៊ីងតោន បានព្យាយាសម្រេចឲ្យបានបទឈប់បាញ់ ប៉ុន្តែអ៊ីស្រាអែល និយាយថា ពួកគេត្រូវតែបន្តការពារខ្លួន ។ ពួកគេនិយាយថា ក្រុមហេសបូឡា បានប្រើប្រាស់ជនស៊ីវិលជាខែលមនុស្ស គឺជាអ្វីមួយដែលក្រុមជីវពលមួយនេះ ធ្វើការច្រានចោលទាំងស្រុង ។

លោក Fahess មានកូន ២នាក់ ហើយលោកធ្លាប់មានហាងផ្សារដែក ៤កន្លែងនៅទីក្រុង Nabatieh ប៉ុន្តែបច្ចុប្បន្នលោកមិនទាន់ប្រាកដនោះឡើយថាតើលោកនឹងអាចវិលត្រឡប់ទៅផ្ទះវិញដែរឬទេ ប៉ុន្តែលោកមានការព្រួយបារម្ភផងដែរចំពោះការព្យាបាលជំងឺមហារីកដ៏កម្ររបស់លោក គឺមហារីកដុំគីសរបស់លោក ។

លោក Fahess និយាយថា លោកធ្លាប់មកទីក្រុងបេរូត ៣ថ្ងៃដើម្បីព្យាបាលជំងឺមហារីក ហើយនិងវិលត្រលប់ទៅផ្ទះវិញ ប៉ុន្តែឥឡូវដោយសារសង្រ្គាម ពួកយើងជម្លៀសខ្លួន ហើយការព្យាបាលពិតជាពិបាកខ្លាំងណាស់ ៕