លោកស្រី ក្លៅឌៀ សេនបោម(Claudia Sheinbaum) ប្រធានាធិបតីម៉ិកស៊ិក បាននិយាយកាលពីថ្ងៃព្រហស្បតិ៍ថា ប្រទេសម៉ិកស៊ិក មានផែនការទទួលពលរដ្ឋម៉ិកស៊ិកដែលត្រូវបាននិរទេស ចេញពីសហរដ្ឋអាមេរិក ប្រសិនបើប្រធានាធិបតីជាប់ឆ្នោត លោក Donald Trump ចាប់ផ្តើមការនិរទេសជនអន្តោប្រវេសន៍ទ្រង់ទ្រាយធំ ដែលកំពុងរស់នៅក្នុងប្រទេសនេះដោយខុសច្បាប់។

លោក Trump បានសន្យាធ្វើការនិរទេសជនអន្តោប្រវេសន៍ទ្រង់ទ្រាយធំ និងទប់ស្កាត់ជនអន្តោប្រវេសន៍យ៉ាងច្រើន ភ្លាមៗនៅពេលលោកចូលកាន់តំណែងនៅថ្ងៃទី២០ ខែមករា។

លោក អាចអំពាវនាវដល់មនុស្សគ្រប់រូបពីយោធាសហរដ្ឋអាមេរិក រហូតដល់អ្នកការទូតនៅបរទេស ដើម្បីប្រែក្លាយការសន្យារបស់លោកឱ្យក្លាយជាការពិត។

អ្នករួមការងាររបស់លោក គឺលោក JD Vance បានប៉ាន់ប្រមាណថា ប្រតិបត្តិការនិរទេស អាចបញ្ជូនមនុស្សមួយលាននាក់ក្នុងមួយឆ្នាំ។

លោកស្រី Sheinbaum ដែលបានចូលកាន់តំណែងកាលពីខែតុលា បានសង្កត់ធ្ងន់លើសារៈសំខាន់នៃសិទ្ធិមនុស្ស នៅពេលដោះស្រាយជាមួយការធ្វើអន្តោប្រវេសន៍ ដោយគូសបញ្ជាក់ពីទង្វើមានតុល្យភាពល្អជាមួយសមភាគីសហរដ្ឋអាមេរិក នាពេលអនាគតរបស់លោកស្រី។

គណៈរដ្ឋមន្ត្រីរបស់លោកស្រី បានជួបប្រជុំ កាលពីថ្ងៃព្រហស្បតិ៍ ដើម្បីពិភាក្សាអំពីបញ្ហាប្រឈមរបស់ប្រទេសម៉ិកស៊ិក ក្រោមរដ្ឋបាលរបស់ លោក Trump ដែលចូលកាន់តំណែងនៅពេលខាងមុខ រួមមានការធ្វើអន្តោប្រវេសន៍ ពាណិជ្ជកម្ម និងសន្តិសុខ។