លោកប្រធានាធិបតី Volodymyr Zelensky បានជំរុញប្រជាជនអ៊ុយក្រែនកុំឱ្យភ័យស្លន់ស្លោខ្លាំងពេក បន្ទាប់ពីមានភាពតានតឹងកាន់តែខ្លាំងក្នុងប្រទេសហែកហួរដោយសង្រ្គាមមួយនេះ។

មេដឹកនាំអ៊ុយក្រែនរូបនេះ បានអំពាវនាវប្រឆាំងនឹងស្ថានភាពក្នុងប្រទេសនៃការបិទស្ថានទូតជាច្រើនក្នុងទីក្រុងគីវ (Kiev) ដោយសារតែការព្រួយបារម្ភអំពីការគំរាមកំហែងនៃលទ្ធភាពវាយប្រហារតាម អាកាសទ្រង់ទ្រាយធំរបស់រុស្ស៊ី។

លោកបាននិយាយនៅក្នុងសារវីដេអូពេលល្ងាចកាលពីថ្ងៃពុធសប្ដាហ៍នេះថា ព័ត៌មានបំផ្លើសដែលបានកើតឡើងនៅថ្ងៃនេះ គឺជាសាររុញឲ្យមានភ័យស្លន់ស្លោ ដែលទាំងអស់នេះជួយដល់ប្រទេសរុស្ស៊ីតែប៉ុណ្ណោះ។

លោកបន្តថា ប្រទេសរុស្ស៊ីគឺជា "អ្នកជិតខាងមានសតិមិនល្អ" ប៉ុន្តែនេះអនុវត្តនៅថ្ងៃទី១.០០១នៃសង្រ្គាម ដូចគ្នានឹងថ្ងៃផ្សេងទៀតនៃសង្រ្គាមពីមុនដែរ។

មនុស្សជាច្រើនក្នុងប្រទេសអ៊ុយក្រែន កំពុងមានការព្រួយបារម្ភកាន់តែខ្លាំងថា រុស្ស៊ីអាចធ្វើឲ្យសង្គ្រាមរីកកាន់តែធំថែមទៀត បន្ទាប់ពីអ៊ុយក្រែនត្រូវបានគេរាយការណ៍ថាបានប្រើប្រាស់មីស៊ីលរយៈចម្ងាយឆ្ងាយរបស់លោកខាងលិច វាយប្រហារចូលទៅជ្រៅក្នុងទឹកដីរបស់ប្រទេសរុស្ស៊ី៕