តម្លៃមាសកំពុងកើនឡើងខ្លាំងប្រចាំសប្តាហ៍ដ៏ធំបំផុតរបស់ខ្លួនក្នុងពេលជិត ៨ខែនៅថ្ងៃសុក្រ (២២ វិច្ឆិកា) នេះ ហើយប្រាក់អឺរ៉ូបានធ្លាក់ចុះដល់កម្រិតទាប ១៣ខែ ខណៈរុស្ស៊ី បានទម្លាក់កម្រិតប្រើប្រាស់អាវុធនុយក្លេអ៊ែររបស់ខ្លួន និងបាញ់មីស៊ីលបាលិស្ទីកលឿនជាងសំឡេងលើអ៊ុយក្រែន រួមទាំងភាពតានតឹងផ្សេងទៀតទូទាំងពិភពលោក។

ហានិភ័យនៃជម្លោះរីកធំនេះក៏បានធ្វើឱ្យតម្លៃឧស្ម័ននៅអឺរ៉ុប ឡើងដល់កម្រិតខ្ពស់រយៈពេលមួយឆ្នាំ និងជំរុញអ្នកវិនិយោគឆ្ពោះទៅរកកន្លែងសុវត្ថិភាព ដោយគាំទ្រដល់បំណុលអាល្លឺម៉ង់ និងធ្វើឱ្យប្រាក់ហ្វ្រង់របស់ស្វីស អាចកើនឡើងប្រចាំសប្តាហ៍ដំបូងរបស់ខ្លួនក្នុងពេលពីរខែ។

ទីផ្សាររបស់អាស៊ី នៅថ្ងៃសុក្រនេះ មើលឃើញក្រុមហ៊ុនផលិតបន្ទះឈីប នាំមុខតម្លៃភាគហ៊ុនខ្ពស់ជាងបន្តិចបន្ទាប់ពីក្រុមហ៊ុន Nvidia បានឈានដល់កម្រិតខ្ពស់បំផុតនៅក្នុងពាណិជ្ជកម្មរបស់សហរដ្ឋអាមេរិក ជុំវិញប្រាក់ចំណូលដ៏រឹងមាំ ជាមួយនឹងភាគហ៊ុននៅកោះតៃវ៉ាន់ និងកូរ៉េខាងត្បូង កើនឡើងជាង ១% និងក្រុមហ៊ុន Nikkei ទទួលបាន ០,៨%។

មាសមានស្ថិរភាពនៅតម្លៃ ២.៦៧៧ដុល្លារ ក្នុងមួយអោន (១អោន ប្រហែលជាង ២៨ក្រាម) និងកើនឡើងជាង ៤,៥% សម្រាប់សប្តាហ៍នេះ ខណៈរូបិយប័ណ្ណគ្រីបតូ ប៊ីតខ័ញ (bitcoin) ជិតបំបែកកំណត់ត្រាលើសពី ១០០.០០០ដុល្លារ ជាលើកដំបូង ហើយប្រាក់ដុល្លារបន្តរង្គោះរង្គើ។

ភាគហ៊ុនប្រេងឆៅ Brent បានកើនឡើងជិត ៤,៥% នៅសប្តាហ៍នេះ ហើយបានបន្តឡើងដល់កម្រិតខ្ពស់រយៈពេលពីរសប្តាហ៍ក្នុងតម្លែ ៧៤,៤៤ដុល្លារ ក្នុងមួយបារ៉ែលនៅក្នុងពាណិជ្ជកម្មអាស៊ី៕