ប្រធានគណៈកម្មាធិការពាណិជ្ជកម្មនៃសភាអឺរ៉ុបបានប្រាប់ទូរទស្សន៍អាល្លឺម៉ង់ថា ទីក្រុងព្រុចសែល និងទីក្រុងប៉េកាំង កំពុងខិតជិតដំដល់ណោះស្រាយលើការដំឡើងពន្ធនាំចូលរថយន្តអគ្គិសនីរបស់ចិនទៅក្នុងប្លុកនេះ។ 

លោក Bernd Lange បានប្រាប់ទូរទស្សន៍ n-tv ដោយពុំបានបញ្ជាក់លម្អិតថា យើងជិតដល់កិច្ចព្រមព្រៀងមួយហើយ ។ប្រទេសចិន អាចប្តេជ្ញាផ្តល់រថយន្តអគ្គិសនីនៅក្នុងសហភាពអឺរ៉ុបក្នុងតម្លៃអប្បបរមា ។នេះនឹងលុបបំបាត់ការបង្ខូចទ្រង់ទ្រាយនៃការប្រកួតប្រជែងតាមរយៈការឧបត្ថម្ភធនមិនយុត្តិធម៌ ជាមូលហេតុដែលសង្គ្រាមដំឡើងពន្ធត្រូវបានដាក់ចេញដំបូង ។ 

គណៈកម្មការអឺរ៉ុប ពុំទាន់អាចសុំការអធិប្បាយបានភ្លាមៗទេជុំវិញបញ្ហានេះ។

សហភាពអឺរ៉ុបកាលពីខែមុនបានសម្រេចចិត្តដំឡើងពន្ធលើរថយន្តអគ្គិសនីផលិតដោយប្រទេសចិនដល់ទៅ ៤៥,៣% ក្នុងការស៊ើបអង្កេតពាណិជ្ជកម្មកម្រិតខ្ពស់បំផុតរបស់ខ្លួន ជាចំណាត់ការដែលបានធ្វើឲ្យសហភាពអឺរ៉ុបខ្វែងគំនិតគ្នា និងបង្កឱ្យមានការសងសឹកពីទីក្រុងប៉េកាំង។  

សង្រ្គាមដំឡើងពន្ធ ដែលបានចូលជាធរមានកាលពីថ្ងៃទី៣០ ខែតុលា ត្រូវបានអនុវត្តន៍ដើម្បីប្រឆាំងនឹងអ្វីដែលខ្លួននិយាយថាជាការឧបត្ថម្ភធនមិនយុត្តិធម៌ រួមទាំងការផ្តល់ហិរញ្ញប្បទានអនុគ្រោះ និងជំនួយ ក៏ដូចជាដី ថ្មរថយន្ត និងវត្ថុធាតុដើមក្រោមតម្លៃទីផ្សារ៕