ទូរទស្សន៍ CNNបានរាយការណ៍ថា លោកប្រធានាធិបតីអ៊ុយក្រែន Volodymyr Zelenskyy បាននិយាយថា លោកកំពុងរង់ចាំសំណើរបស់ប្រធានាធិបតីជាប់ឆ្នោតអាមេរិកលោក Donald Trump ស្តីពីផែនការដោះស្រាយជម្លោះដែលកំពុងបន្តជាមួយរុស្ស៊ី ខណៈលោកបានបញ្ជាក់ថា សង្រ្គាមអាចនឹងបញ្ចប់នៅឆ្នាំក្រោយ។ 

ទូរទស្សន៍ CNN បានដកស្រង់សម្តីលោក Zelenskyy ដែលបាននិយាយនៅសន្និសីទស្តីពីសន្តិសុខស្បៀងថាសង្រ្គាមនឹងបញ្ចប់ នៅពេលរុស្ស៊ីចង់បញ្ចប់ នៅពេលដែលអាមេរិកមានជំហររឹងមាំ។ នៅពេលដែលក្រុមប្រទេសកំពុងអភិវឌ្ឍន៍សកលខាងត្បូង (Global South) នៅខាងអ៊ុយក្រែននិងនៅម្ខាងនៃការបញ្ចប់សង្រ្គាម។   

ប្រធានាធិបតីអ៊ុយក្រែនរូបនេះបានបន្ថែមថា វានឹងមិនមែនជាផ្លូវងាយស្រួលនោះទេ ប៉ុន្តែខ្ញុំមានទំនុកចិត្តថាយើងមានឱកាសទាំងអស់ដើម្បីធ្វើឲ្យសង្គ្រាមនេះបញ្ចប់បាននៅឆ្នាំក្រោយ។ 

លោកបាននិយាយថា លោកបើកចំហចំពោះសំណើពីបណ្ដាមេដឹកនាំនៃប្រទេសអាហ្វ្រិក អាស៊ី និងអារ៉ាប់។

ខ្ញុំក៏ចង់ស្តាប់សំណើរបស់ប្រធានាធិបតីថ្មីរបស់សហរដ្ឋអាមេរិកផងដែរ។ ខ្ញុំគិតថា យើងនឹងមើលឃើញសំណើទាំងនោះនៅខែមករាឆ្នាំ២០២៥ខាងមុខនៅពេលលោកTrumpឡើងកាន់តំណែង ហើយយើងនឹងមានផែនការបញ្ចប់សង្គ្រាមនេះ៕