វិមានប្រធានាធិបតីបាននិយាយកាលពីថ្ងៃសៅរ៍ថា ព័ត៌មានលម្អិតសន្តិសុខរបស់ប្រធានាធិបតីហ្វីលីពីនលោក Ferdinand Marcos ត្រូវបានដាក់ក្នុងការប្រុងប្រយ័ត្នចំពោះអ្វីដែលការិយាល័យរបស់លោកកំពុងហៅថា ការគំរាមកំហែងយ៉ាងសកម្ម ប៉ុនប៉ងយកជីវិតរបស់លោកដោយអនុប្រធានាធិបតី លោកស្រី Sara Duterte ។

សេចក្តីថ្លែងការណ៍នេះបានធ្វើឡើងបន្ទាប់ពីសន្និសីទសារព័ត៌មានមួយដែលបានចោទប្រកាន់ថាលោកស្រី Sara Duterte គឺជាអ្នកជាប់ពាក់ព័ន្ធនឹងផែនការធ្វើឃាត ហើយបាននិយាយថាលោកស្រីបានបញ្ជាឱ្យសមាជិកនៃក្រុមសន្តិសុខរបស់ខ្លួនសម្លាប់លោកប្រធានាធិបតីប្រសិនក្នុងករណីដែលរូបលោកស្រីផ្ទាល់ត្រូវគេសម្លាប់ដែរនោះ។  

ជម្លោះរវាងគ្រួសារលោកអតីតប្រធានាធិបតី Duterte និងគ្រួសារលោកប្រធានាធិបតីបច្ចុប្បន្នMarcos បានរាលដាលកាន់តែធំក្នុងរយៈពេលប៉ុន្មានខែចុងក្រោយនេះ ជុំវិញគោលនយោបាយការបរទេស និងសង្រ្គាមប្រឆាំង គ្រឿងញៀនរបស់លោក Duterte និងកាន់តែខ្លាំងឡើងនូវវោហារសាស្ត្រមុនការបោះឆ្នោតពាក់កណ្តាលអាណត្តិនៅឆ្នាំក្រោយ ។ ឆ្លើយតបទៅនឹងការគំរាមរបស់លោកស្រី Sara Duterte ការិយាល័យរបស់លោកប្រធានាធិបតី Marcos បាននិយាយថាខ្លួនបាននិងកំពុងរឹតបន្តឹងការការពារសន្តិសុខរបស់មេដឹកនាំ ខណៈស្នងការនគរបាលជាតិហ្វីលីពីន ក៏បានបញ្ជាឱ្យមានការស៊ើបអង្កេតហ្មត់ចត់ផងដែរ។ 

លោកស្រី Duterte បាននិយាយនៅក្នុងសារព័ត៌មានមួយថា ខ្ញុំបាននិយាយជាមួយមនុស្សម្នាក់ក្នុងក្រុមសន្តិសុខរបស់ខ្ញុំ។ ខ្ញុំបានប្រាប់គេថា បើខ្ញុំត្រូវគេសម្លាប់ សូមសម្លាប់លោក Ferdinand Marcosនិង ស្ត្រីទីមួយ Liza Araneta និងបងប្អូនជីដូនមួយរបស់ប្រធានាធិបតីគឺលោក Martin Romualdez ។ នេះមិនមែនជារឿងលេងសើចទេ៕