គណៈប្រតិភូមកពីប្រទេសចំនួន ១៧៥ ទូទាំងពិភពលោក បានប្រមូលផ្តុំគ្នានៅទីក្រុងប៊ូសាន ប្រទេសកូរ៉េខាងត្បូង នៅថ្ងៃចន្ទ (២៥ វិច្ឆិកា) នេះ សម្រាប់កិច្ចចរចាជុំទី៥ ក្នុងគោលបំណងធានាសន្ធិសញ្ញាអន្តរជាតិដើម្បីទប់ស្កាត់កង្វក់ប្លាស្ទិក ឬការបំពុលបរិស្ថានដោយសំណល់ប្លាស្ទិក ខណៈការខ្វែងគំនិតគ្នាដែលកំពុងបន្ត បានដាក់ការសង្ស័យថា តើកិច្ចព្រមព្រៀងចុងក្រោយកំពុងស្ថិតក្នុងការមើលឃើញ ឬយ៉ាងណា។

ប្រទេសកូរ៉េខាងត្បូង កំពុងធ្វើជាម្ចាស់ផ្ទះនៃកិច្ចប្រជុំគណៈកម្មាធិការចរចាអន្តររដ្ឋាភិបាលនៃអង្គការសហប្រជាជាតិ (INC-5) លើកទីប្រាំ និងហាក់ដូចជាលើកចុងក្រោយ ក្នុងសប្តាហ៍នេះ បន្ទាប់ពីកិច្ចចរចាជុំមុនៗនៅទីក្រុងអូតាវ៉ា ក្នុងខែមេសា បានបញ្ចប់ដោយគ្មានផ្លូវឆ្ពោះទៅមុខស្តីពីការទប់ស្កាត់ផលិតកម្មប្លាស្ទិក។

ជំនួសមកវិញ កិច្ចប្រជុំនោះបានចេញទិសដៅសម្រាប់ក្រុមបច្ចេកទេសដោយផ្តោតលើសារធាតុគីមីដែលព្រួយបារម្ភ និងវិធានការផ្សេងទៀត បន្ទាប់ពីប្រទេសផលិតគីមីឥន្ធនៈដូចជា អារ៉ាប៊ីសាអ៊ូឌីត និងចិន បានប្រឆាំងយ៉ាងខ្លាំងក្លាចំពោះកិច្ចខិតខំប្រឹងប្រែងដើម្បីកំណត់គោលដៅលើផលិតកម្មប្លាស្ទិកនេះ។

សហរដ្ឋអាមេរិកបានបង្កឱ្យមានការផ្ញាក់ផ្អើល និងការមិនពេញចិត្តកាលពីខែសីហា នៅពេលដែលខ្លួននិយាយថានឹងគាំទ្រការផលិតប្លាស្ទិកក្នុងសន្ធិសញ្ញានោះ ដោយដាក់មហាអំណាចមួយនេះឱ្យស្របជាមួយនឹងសហភាពអឺរ៉ុប កេនយ៉ា ប៉េរូ និងប្រទេសដទៃទៀតក្នុងក្រុមចម្រុះដែលមានមហិច្ឆិតាខ្ពស់លើការផលិតប្លាស្ទិកបន្ថែមទៀត៕