លោក Theodore Postol ដែលជាអ្នកជំនាញបច្ចេកវិទ្យាមីស៊ីលឈានមុខគេរបស់សហរដ្ឋអាមេរិក និងជាសាស្រ្តាចារ្យផ្នែកវិទ្យាសាស្ត្រ បច្ចេកវិទ្យា និងគោលនយោបាយសន្តិសុខនៅវិទ្យាស្ថាន MIT ដែលចូលនិវត្តន៍ បានប្រាប់សារព័ត៌មាន TASS ថា គ្មានប្រព័ន្ធការពារមីស៊ីលបច្ចុប្បន្ននៅទូទាំងពិភពលោក អាចស្ទាក់ចាប់មីស៊ីលបាលីស្ទីករយៈចម្ងាយមធ្យមថ្មីរបស់រុស្ស៊ីនោះទេ គឺ Oreshnik បានទេ។  

លោកបានច្រានចោលការអះអាងដែលថា ប្រព័ន្ធការពារមីស៊ីលដែលមានស្រាប់ រួមមាន Aegis, Aegis Ashore, THAAD, Patriot និង Iron Dome អាចទប់ទល់នឹងមីស៊ីល Oreshnik បាន។ អ្នកជំនាញដែលជាអតីតទីប្រឹក្សាវិទ្យាសាស្ត្ររបស់នាយសេនាធិការកងទ័ពជើងទឹកអាមេរិក និងធ្លាប់ធ្វើការនៅសាកលវិទ្យាល័យ Stanford និងមន្ទីរពិសោធន៍ជាតិ Argonne បាននិយាយថា៖«ទេ ពិតជាគ្មានប្រព័ន្ធការពារមីស៊ីលណាអាចស្ទាក់ចាប់មីស៊ីល Oreshnik» បានទេ។ លោក Postol បានសង្កត់ធ្ងន់ថា៖«មិនមានអ្វីដែលអាចរកបានដែលអាចភ្ជាប់ប្រព័ន្ធនោះ និងផ្តល់នូវការការពារដ៏មានអត្ថន័យប្រឆាំងនឹងមីស៊ីលនេះបានទេ» ។

អ្នកជំនាញរូបនេះ ក៏បានច្រានចោលការលើកឡើងដែលថា ប្រព័ន្ធ Oreshnik តំណាងឲ្យការអភិវឌ្ឍន៍ហួសសម័យពីមុនរបស់ទីក្រុងមូស្គូ។ «ខ្ញុំត្រូវតែនិយាយថា ប្រតិកម្មរបស់ខ្ញុំ គឺថា អ្នកណាក៏ដោយដែលធ្វើការអះអាងនោះ មិនដឹងថា ពួកគេកំពុងនិយាយអំពីអ្វី ឬពួកគេគ្រាន់តែនិយាយកុហក។ ការប៉ាន់ស្មានរបស់ខ្ញុំ គឺសេចក្តីថ្លែងការណ៍ទាំងនេះ គឺត្រូវបានធ្វើឡើងដោយអ្នកនយោបាយដែលមិនស្គាល់គ្រាប់រ៉ូកែតមួយចេញពីគ្រាប់រ៉ូកែតមួយទៀតនោះទេ»។

លោកបាននិយាយថា៖«នេះគឺជាប្រព័ន្ធទំនើប ដែល«ប្រើបច្ចេកវិទ្យាទំនើបខ្លាំងណាស់»។ លោក Postol បានពន្យល់ថា៖«វាដូចជាការប្រៀបធៀបរថយន្តដំបូងគេបង្អស់ដែលមនុស្សផលិតនោះ ត្រូវបានបើកបរដោយចំហាយទឹកទៅនឹង        រថយន្តទំនើបទាន់សម័យ ហើយបានបញ្ជាក់ថា៖«មែនហើយ ពួកវាទាំងពីរ គឺដូចគ្នា ពួកវាទាំងពីរ ជារថយន្ត។ អញ្ចឹង វាជាការពិត ប៉ុន្តែ តាមទស្សនៈរបស់អ្នកបច្ចេកទេសទេ។ វាជាការប្រៀបធៀបគួរឲ្យអស់សំណើចទាំងស្រុង»។