យោងតាមការព្យាកររបស់សម្ព័ន្ធធ្វើដំណើរសកលរបស់អាមេរិក Amex GBT បានឱ្យដឹងថា សំបុត្រយន្តហោះនឹងមានតម្លៃកាន់តែថ្លៃនៅក្នុងឆ្នាំ២០២៥ ទោះជាកំណើនសេដ្ឋកិច្ចមានកម្រិតមធ្យមក៏ដោយ ដែលការឡើងថ្លៃនេះបានឆ្លុះបញ្ចាំងពីការចំណាយខ្ពស់ និងការរំខានដល់ខ្សែច្រង្វាក់ផ្គត់ផ្គង់។

អ្នកគ្រប់គ្រងនៃស្ថាប័នទេសចរណ៍សាជីវកម្មពិភពលោក Amex GBT បាននិយាយនៅក្នុងរបាយការណ៍ប្រចាំឆ្នាំរបស់ខ្លួនស្តីពីតម្លៃការហោះហើរថា "កំណើនដ៏យឺតយ៉ាវនៃការចំណាយលើថ្លៃសំបុត្រយន្តហោះ គឺកំពុងឈានដល់កម្រិតស្ថិរភាពពីកំណើនក្រោយជំងឺកូវីដ១៩ នៅឆ្នាំនេះ"។

តម្លៃសំបុត្រយន្តហោះតាមផ្លូវហោះហើរភាគច្រើននឹងកើនឡើង ប៉ុន្តែទំហំនៃកំណើនទំនងជាប្រែប្រួលខ្លាំងទៅតាមតំបន់។ អាមេរិកខាងជើង និងអឺរ៉ុប ត្រូវបានរំពឹងថានឹងមើលឃើញការកើនឡើង "តិចតួច" ប្រហែល ២% ខណៈអាស៊ី និងអូស្ដ្រាលី ក្នុងចំណោមតំបន់ចុងក្រោយដែលទប់ស្កាត់ការរាតត្បាតនៃជំងឺកូវីដ រំពឹងថានឹងឃើញកំណើនជិត ១៤%។

ការឡើងថ្លៃសំបុត្រយន្តហោះនៅឆ្នាំ២០២៥ នេះទំនងជាច្រើនជាងការថយចុះមុនឆ្នាំ២០២៤ ដែលមានន័យថា តម្លៃសំបុត្រមួយចំនួនអាចត្រឡប់ទៅកម្រិតខ្ពស់ក្រោយជំងឺរាតត្បាត នេះបើតាមការគណនារបស់សារព័ត៌មាន Bloomberg News ដោយផ្អែកលើទិន្នន័យរបស់ Amex GBT៕