កងកម្លាំងការពារអ៊ីស្រាអែល (IDF) បាននិយាយនៅក្នុងសេចក្តីថ្លែងការណ៍មួយកាលពីថ្ងៃចន្ទថា យន្តហោះរបស់កងកម្លាំងទ័ពអាកាសអ៊ីស្រាអែល បានវាយប្រហារដោយផ្អែកលើការស៊ើបអង្កេតលើ «ផ្លូវរត់ពន្ធ» នៅប្រទេសស៊ីរី តាមបណ្តោយព្រំដែនប្រទេសស៊ីរី-លីបង់។

កងកម្លាំងការពារអ៊ីស្រាអែល (IDF) បានសម្គាល់ថា ផ្លូវជាច្រើនកន្លែងត្រូវបានប្រើប្រាស់សម្រាប់ការរត់ពន្ធអាវុធទៅកាន់ក្រុមហេសបូឡា ក្នុងប្រទេសលីបង់។

សេចក្តីថ្លែងការណ៍បាននិយាយថា «នេះគឺជាចំណាត់ការមួយផ្សេងទៀត នៅក្នុងកិច្ចខិតខំប្រឹងប្រែងដែលនៅតែបន្តរបស់កងកម្លាំង IDF ក្នុងការបំផ្លាញសមត្ថភាពរបស់អង្គភាពក្រុមហេសបូឡា ដែលទទួលខុសត្រូវចំពោះការរត់ពន្ធអាវុធប្រើប្រាស់ក្នុងការវាយប្រហារភេរវកម្មប្រឆាំងជនស៊ីវិលអ៊ីស្រាអែល និងកងកម្លាំងការពារអ៊ីស្រាអែល (IDF)។

កាលពីថ្ងៃច័ន្ទ កងកម្លាំងការពារអ៊ីស្រាអែល (IDF) បាននិយាយថា ខ្លួនបានវាយប្រហារលើមជ្ឈមណ្ឌលទីបញ្ជាការយោធារបស់ក្រុមប្រឹក្សាប្រតិបត្តិក្រុមហេសបូឡា នៅជាយក្រុង Dahieh ភាគខាងត្បូងរដ្ឋធានីបេរូត ប្រទេសលីបង់។