លោក Dmitry Medvedev អនុប្រធានក្រុមប្រឹក្សាសន្តិសុខរុស្ស៊ី បាននិយាយនៅក្នុងបទសម្ភាសន៍ជាមួយ សារព័ត៌មាន Al Arabiya ថា ការរីកចម្រើននៃប្រតិបត្តិការយោធាពិសេស បានបង្ហាញថា ការលេចឡើងនៃ អាវុធប្រភេទថ្មី បានផ្លាស់ប្តូរមធ្យោបាយ យុទ្ធវិធីនិងយុទ្ធសាស្ត្រនៃសង្គ្រាម។

អ្នកនយោបាយរូបនេះ បាននិយាយថា៖«វឌ្ឍនភាពនៃប្រតិបត្តិការយោធាពិសេស បានបង្ហាញថា មធ្យោបាយនៃសង្គ្រាម យុទ្ធវិធីនៃសង្គ្រាម និងយុទ្ធសាស្ត្រនៃសង្គ្រាម ក៏បានផ្លាស់ប្តូរយ៉ាងខ្លាំង បន្ទាប់ពីការលេចឡើងនៃប្រភេទអាវុធថ្មីៗ»។

យោងតាមលោក Medvedev បានឲ្យដឹងថា បញ្ហានេះ ពាក់ពន្ធនឹងយានដ្រូនជាចម្បង។ ទោះបីជាយ៉ាងណាក៏ដោយ លោក Medvedev បានបន្ថែមថា ជាការពិតណាស់ មានគ្រឿងយុទ្ធោបករណ៍ជាច្រើនទៀត រួមមានរថក្រោះ យន្តហោះ មីស៊ីល និងអាវុធផ្សេងៗទៀត។