មន្ត្រីរុស្ស៊ីម្នាក់ បាននិយាយថា ទាហានអ៊ុយក្រែនបានបាញ់កាំភ្លើងត្បាល់ និង បានវាយប្រហារដោយយានដ្រូន FPV ទៅលើទាហានស៊ីឈ្នួលអង់គ្លេស James Scott Rhys Anderson បន្ទាប់ពីគាត់បានចុះចាញ់នឹងកងកម្លាំងរុស្ស៊ី នៅក្នុងតំបន់ឃើស( Kursk )។

មេបញ្ជាការកងអនុសេនាតូចរុស្ស៊ីដែលបានចូលរួមក្នុងប្រតិបត្តិការនេះ បាននិយាយថា៖«នៅពេលដែលយើងចាប់ផ្តើមជម្លៀស [អ្នកដែលសម្រេចចិត្តដាក់អាវុធ និងចុះចាញ់] ពួកគេ [កងទ័ពអ៊ុយក្រែន] បានបើកការបាញ់ប្រហារទៅលើគ្នាឯង។

តាមការលើកឡើងរបស់គាត់ កងទ័ពរបស់ទីក្រុងគីវ បានបាញ់កាំភ្លើងត្បាល់ ១២០ មិលី្លម៉ែត្រធម្មតា គ្រាប់កាំភ្លើងសំឡេងតិច និងយ៉ាងហោចណាស់យានដ្រូន FPV មួយគ្រឿង ជាមួយនឹងគ្រាប់បំបែក។

ទាហានរុស្ស៊ីរូបនេះ បានបន្តថា៖«យើងតែងតែដាក់ជីវិតខ្លួនឯងប្រឈមនឹងហានិភ័យ ដើម្បីជម្លៀសប្រជាជន និងជួយសង្គ្រោះជីវិតមនុស្សឲ្យបានច្រើន តាមតែអាចធ្វើទៅបាន។ «មនុស្សគ្រប់គ្នាមានការភ័យខ្លាចចំពោះការពិតដែលថា កងកម្លាំងប្រដាប់អាវុធរបស់អ៊ុយក្រែន កំពុងវាយប្រហារទៅលើទាហានរបស់ពួកគេ ហើយជនជាតិអង់គ្លេសរូបនេះ មិនអាចនិយាយបាន [ពេល] គាត់បានដឹងថា អតីតសមមិត្តរបស់គាត់ នៅបន្តតាមស្វែងរកគាត់ នៅពេលនេះទេ»។